टोकियो/जापान। जापान एरोस्पेस एक्सप्लोरेसन एजेन्सी (JAXA- जाक्सा)ले मार्चमा, प्रक्षेपणको लगत्तै पहिलो H3 रकेट असफल भएपछि अब H3 रकेटको दोस्रो प्रक्षेपणको साथ अन्तरिक्षमा दुईवटा माइक्रोस्याटेलाइटहरू पठाउने योजना बनाएको छ।

शिक्षा, संस्कृति, खेलकुद, विज्ञान तथा प्रविधि मन्त्रालयले मंगलबार आयोजना गरेको विज्ञहरुको बैठकमा जाक्साले उक्त योजना सार्वजनिक गरेको हो।

अब पठाउने भनिएको रकेट CE-SAT-1E डब गरिएको उपग्रह मध्ये एउटा नियमित क्यामेरा जस्तै देखिने प्रकाशमा फोटो खिच्न सक्षम सेन्सरले सुसज्जित रहनेछ।माइक्रोस्याटलाइटको तौल करिब ५० किलोग्राम छ र यसलाई क्यानन इलेक्ट्रोनिक्स इंक द्वारा उत्पादन गरिएको हो।

यस अघि गत मार्चमा पहिलो H3 रकेट कमाण्डमा नै नष्ट भएको थियो । त्यस समय दोस्रो चरणको इन्जिन प्रज्वलन गर्न असफल भएको थियो। रकेट यसको पेलोड, Daichi-3 उपग्रह सहित समुद्रमा खसेको थियो।