टोकियो/जापान। गैरआवासीय नेपाली संघ (एनआरएनए)जापानको आगामी कार्यकाल (सन २०२३-२५)का लागि लक्ष्मी केसी महर्जनले महिला उपाध्यक्ष पदमा उम्मेद्वारी दिने घोषणा गरेकी छिन् । चिबा क्षेत्रीय समितिकी निवर्तमान उपसंयोजक लक्ष्मीले सामाजिक संजाल मार्फत आगामी कार्यकालको महिला उपाध्यक्ष पदमा आफुले उम्मेद्वारी दिने घोषणा गरेकी हुन्।

लक्ष्मीले जापानमा रहेका आमा दिदीबहिनीहरुका, हरेक अप्ठ्यारा र साँघुरा अवस्थामा आवाज बन्ने प्रयत्न गर्दै राष्ट्रियस्तरमै आवाज उठाउदै आईरहेको एक महिला सशक्तिकरणको हिस्सेदार भएकाले, महिला उपाध्यक्ष पदका लागि आफु योग्य उम्मेद्वार भएको बताएकी छिन् ।

आफ्नो एनआरएनए अभियामा घर परिवार श्रीमान आफन्तको पूर्ण साथ तथा हौसला रहेको बताउँदै उनले, आगामी आरोह अवरोहहरुमा पहरेदारी भूमिकामा मन वचन र कर्मले सधै समाजमा सक्रिय भईरहने अठोट समेत व्यक्त गरेकी छिन् । उनले, उर्जावान समयको यो महत्वपूर्ण अभियानमा कसैको दबाव, प्रभाब, आबेग वा संबेगमा नआइकन हारमा सहनशिलता र जितमा संयमता बिवेकशिलता र सन्तुलनमा रहदै काम गर्ने प्रण सहित “म” नभएर “हामी” समान अस्तित्व समान दाईत्व अनी हामी मुखी संस्था हुनुपर्ने बताएकी छिन् ।

सन २०१९-२१ कार्यकालदेखि सक्रियरुपमा एनआरएनएको क्षेत्रीय समितिमा क्रियाशिल रहँदै आएकी लक्ष्मीसंग महिला मानव अधिकार रक्षक संजाल(ओरेक)नेपाल तथा नर्सिङ क्षेत्रमा संलग्न रहेको अनुभव समेत रहेको छ।