टोकियो/जापान। गैरआवासीय नेपाली संघ जापानको आगामी कार्यकाल (सन २०२३ -२५) को लागि सह-कोषाध्यक्ष पदमा,सेन्दाई क्षेत्रीय समितिका निर्वतमान संयोजक हरि श्रेष्ठले उम्मेदारी दिने घोषणा गरेका छन् ।

नेपाली समुदायको उपस्थिति कम रहेको सेन्दाई सहरमा रहेर यस एनआरएनए अभियानमा सन २०१७ देखी जोडिदै
आएका श्रेष्ठ,सन २०१७ मा क्षेत्रीय समिती सेन्दाईको कोषाध्यक्ष,सन २०२१ कार्यबाहक संयोजक हुँदै सन २०२१-२०२३ कार्यकालको निर्बिरोध संयोजकको रुपमा नेतृत्वमा रहेका थिए।

क्षेत्रिय समितीको सफल नेतृत्व गरेका श्रेष्ठले,केन्द्रिय सह-कोषाध्यक्ष पदमा रहेर क्षेत्र र केन्द्रबिचको सम्बन्ध मजबुती तथा संस्थागत अर्थव्यवस्थापनमा महत्वपूर्ण भूमिका निर्वाह गर्ने योजना सहित,आफुले उम्मेदारी दिएको बताएका छन् ।

एनआरएनए जापानको यहि जुलाई २९ तारिख अधिवेशन तथा ३० तारिख नयाँ कार्यसमितिका लागि निर्वाचन तय भएको छ।