ओसाका/जापान। गैरआवासीय नेपाली संघ जापान एनआरएनए कान्साई क्षेत्रीय समितिको सचिव पदमा विकास अधिकारीले उम्मेदवारी घोषणा गरेका छन्।

अधिकारीले उम्मेदवारी घोषणा गरेसंगै सम्पूर्ण कान्साईबासी नेपालीहरुलाई मतदान गर्न अनुरोध समेत गरेका छन्। सचिव पदमा सहमति हुन नसकेपछि चुनावमा होमिनु भएका अधिकारी विद्यार्थीको रूपमा जापान आएदेखि नै नेपाली विद्यार्थी समाज नेसाज जापानमा आबद्ध भई नेपाली विद्यार्थीहरुको समस्या समाधान सगै संभावना र अवसरहरुको खोजी लगाएतका कार्यहरु गर्दै आएका छन् ।

सन २०१७-२०१९ मा,नेपाल जापान विद्यार्थी समाज नेसाजको नेतृत्वदायी भूमिकामा रही जापानको इतिहासमा नै पहिलो पटक अनलाइन जापानी भाषामा वक्तृत्वकला प्रतियोगिता सफलता पूर्वक सम्पन्न गरेका थिए। अधिकारी,नेपाली समुदायका हरेक समस्याहरुमा अघि सरी समाधान गर्न अग्रसर हुने गर्दछन् ।

सन २०१९-२०२१ मा एनआरएनए कान्साईको सदस्य र सन २०२१-२०२३ मा सहसचिवमा रही जिम्मेवारी कुशलता पूर्वक पुरा गरिसकेका अधिकारले यस पटक सचिवमा रहेर काम गर्नको लागि उम्मेदवारी दिएको बताए ।जापानी भाषामा समेत दक्षता हासिल गरेका अधिकारी आफु, जापानी भाषाका कारण आउने समस्याहरुको सजिलो संग समाधानका लागि पहल गर्न योग्य रहेको बताउँछन् ।

अधिकारीले,एकता नै बल हो भन्ने कुरालाई आत्मसाथ गर्दै सामाजिक एकता र भाइचारामा आच आउन नदिई संस्थामा सबैको अपनत्व महसूस हुने गरी अघि बढ्न सम्पूर्ण कान्साई बासी महानुभावहरुमा जुलाइ ३० मा हुने निर्वाचनमा मतदान गरी सहयोगका लागि अनुरोध गरेका छन् ।