टोकियो/जापान। जापानमा फेरि एक जना नेपाली महिलाको असामयिक निधन भएको छ।

नेपालको रुपन्देही बुटवल स्थायी घर भइ,जापानको राजधानी टोकियोको इताबासीमा बस्दै आएकी ४३ वर्षिया मिना डमरपालको उपाचारको क्रममा निधन भएको नेपाल मगर संघ जापानले जानकारी गराएको छ।

जापानमा श्रीमान तथा आफ्ना छोरीछोरीसंगै बस्दै आएकी मिना यहि अगस्ट १ तारिखदेखि भाईरल ज्वरोका कारण बिरामी भइ,टोकियोकै तोशिमा अस्पत्तालमा भर्ना भएको र २ सातासम्म क्रमिक सुधार देखिँदै आएको भएपनि अगस्ट १५ तारिख,अकस्मात अचेत भएपछि,त्यहाँबाट निहोन युनिभर्सिटी ईताबासी हस्पिटल रेफर गरिएको तर उपाचारकैक्रममा निधन भएको बताईएको छ।

मिना,नेपाल मगर संघ जापानका पूर्व उपाध्यक्ष गोबिन्द डमरपालकी श्रीमती हुन् ।उनको १ छोरा र १ छोरी सहित २ सन्तानहरु छन्। । मगर संघ जापानले यस दुखद घडीमा मृतकप्रति हार्दिक श्रद्धांजली अर्पण गर्दै शोकसन्तप्त परिवारमा गहिरो समवेदना प्रकट गर्दै,अन्त्येष्टि लगायतका प्रकृयाहरुका लागि आवश्यक आर्थिक सहयोग जुटाउने कार्यमा हातेमालो गरिदिन जापानस्थित सम्पूर्ण नेपाली संघ/संस्था तथा समग्र नेपाली समुदायमा अनुरोध गरेको छ।

यदि यो दुखद घडीमा धेरै/थोरै आर्थिक सहयोग गर्न चाहनुहुन्छ भने थापा ओम बहादुर नामको जेपी बैंकको खातामा
JP बैंक 10060-25941481
タパ オム バハドル
रकम जम्मा गरिदिनका लागि मगर संघ जापानका अध्यक्ष ओम काउचा मगरले अनुरोध गरेका छन् ।