ओसाका, जापान । जापानी रेस्लरसंग भिडन्त गरेर नेपाली रेस्लिङ्ग खेलाडिहरुले इतिहास रच्न सफल भएका छन ।

दोतोन्बोरी प्रोरेस्लीङ्ग र गौरआवसीय नेपाली संघ एनआरएनए कान्साईको संयुक्त आयोजनामा अन्तर्राष्ट्रिय स्तरको प्रोरेस्लिङ्ग खेल जापानको ओसाकामा सम्पन्न खेलमा,पुरुष तर्फ़ हिमालयन टाईगरको नामले चिनीने भरत बहादुर बिसुराल(हिमालयन टाइगर) र जापानी रेस्लर हिरोआकी बीचको रेस्लिङ्ग खेल भएको थियो ।

त्यस्तै,नेपाली महिला रेस्लर अस्मिता जुरेलीको जापानी रेस्लर योकोतासंग भिडन्त परेको थियो भने भगवती खड़का यूनिका संग हानाजोनोको भिड़न्त परेको थियो ।

दोतोन्बोरी प्रोरेस्लीङ्गको दशौं बार्षिकोत्सवको अवसर पारेर सो मैत्रिपूर्ण खेल आयोजना गरिएको थियो। नेपालको संस्कृती र पर्यटनलाई संसारभर चिनाउनको निम्ती खेलले टेवा पुर्याउने आशा लिएको आयोजक टोलीका सदस्य एवं एनआरएनए कान्साईका पूर्व संयोजक नारायण स्टेभेन्सले बताए ।

प्रोरेस्लिङ्ग भिडन्त नेपालको पहिलो रेस्लर भरत बहादुर बिसुराल(हिमालयन टाइगर), नेपालको पहिलो महिला रेस्लर खेलाडी भगवती खड्का युनिका, चर्चित रेस्लर खेलाडी अस्मिता जुरेली र जापना खेलाडिहरु कोगेर, सुपर डल्फीन, हारुतोकी योतो किकुची तथा जागौर याकातोले खेल प्रर्दशन गरेका थिए।