टोकियो/जापान। गैरआवासीय नेपाली संघ राष्ट्रिय समन्वय परिषद्(एनआरएनए)जापानले जापानमा रहेका नेपालीको लागि हटलाइन टेलिफोन सेवा संचालनमा ल्याएको छ।

जापानमा रहँदा नेपालीहरुलाई  परेका समस्या अप्ठ्यारा र सूचना जानकारी आदानप्रदानको सहजताका लागि उपयोग हुने गरि हटलाइन टेलिफोन सेवा संचालनमा ल्याइएको एनआरएनए जापानले जनाएको छ ।

भाषागत असहजता,भैपरी आउने मानवीय सहयोग, दैनिक जीवनमा परेका समस्याको सुनवाई र कार्यान्वयनका लागि हटलाइन टेलिफोन सार्वजनिक गरेको बताइएको छ। प्रवक्ता खगराज गौतमले उपलब्ध गराएको संचार सामग्री अनुसार +८१ -०८० ६३५२ ८२८६ नम्बरको टेलिफोन नम्बर एनआरएनए जापानको हटलाइन टेलिफोनको रुपमा संचालनमा ल्याइएको छ ।

जापानमा यसप्रकारको सेवाको जरुरत महशुस गरि विगतमा, केहि कार्यसमितिहरुले सुरुवात गरेको भएता पनि,दीर्घकालीन् संचालन योजना नहुँदा, निरन्तरता पाउन सकेको थिएन । यस पटक पुनः अध्यक्ष नबिन निउरेको तदारुकतामा सुरु गरिएको यस हटलाईन सेवालाई दीर्घकालसम्म संचालन ल्याउने वातावरण बने,साँच्चै सर-सहयोग आवश्यक परेका र एनआरएनएमा आफ्ना नजिकका कोहि नभएका व्यक्तिहरु समेत लाभान्वित हुनेछन् ।