टोकियो/जापान।यहि सेप्टेम्बर १३ तारिख सार्वजनिक भएको आईफोन १५ सेरिज जापानमा बुकिंग सुरु भएको छ। तपाई पनि आइफोन १५ तुरुन्त लिने सोचमा हुनुहुन्छ भने चाँडो बुकिंग गराउनुस् ।

जापानका ४ प्रमुख मोबाइल फोन सेवा कम्पनीहरूले एप्पलको नयाँ आईफोन १५ सेरिज सबैभन्दा पहिला बुंकिग गर्नेहरुलाई २२ तारिख उपलब्ध गराउनेछ। केडिडिआई(KDDI -(au) ले आफ्नो अनलाइन साईटमा १२८ जिबी क्षमताको नियमित मोडल “१५” १,४५,६४० येनको मूल्यमा बुकिंग खुल्ला गरेको छ। अन्य ३ कम्पनीहरुले पनि १,४००,०० येनको दायरामा बिक्री गर्ने बताईएको छ।

KDDI-au ले आइफोन १५ का लागि नयाँ योजना बनाएको छ। जसमा यदि अर्को कम्पनीबाट एयुमा सेवा स्थानान्तर(नोरिखाए)गर्दा,२ वर्षपछि फोन पसललाई नै फिर्ता गर्ने योजनामा सहभागी भए,४९,७६० येनको मूल्यांकनमा सम्झौता गर्न सकिन्छ।यो योजना केडिडिआईले नोभेम्बरको अन्त्यसम्म सीमित समयका लागि लागू हुने बताएको छ।

यसैगरि दोकोमो(DoCoMo)को “१५” को मूल्य १,४९,५९० येन, सफ्टबैंक (Softbank)को १,४५,४४० येन र राकुतेन(RakutenMobile) को १,४०,८०० येन छ मूल्य पर्नेछ। यो न्युनतम मूल्यहरु तपाईले किन्ने पसलको क्यान्पेन तथा फोनको भण्डारण क्षमताको आधारमा मूल्य केहि तलमाथि पर्नेछन्।