जापान। हालै जापानको खागावा प्रिफेक्चरको सोदोसिमामा जापानको सबैभन्दा ठूलो फर्सी प्रतियोगिता सम्पन्न भएको छ।

उक्त फर्सी प्रतियोगितामा सहभागीहरूले सयौं किलोग्राम तौलको सबैभन्दा ठूलो फर्सी  कसले उत्पादन गर्न सक्दछ भनेर प्रतिस्पर्धागर्दछन् । यो प्रतियोगिता हरेक वर्ष खागावा प्रिफेक्चरको  तोनोसो सहरमा आयोजना गरिन्छ । जापानमा यो फर्सी प्रतियोगिता सुरु भएको ३७ वर्ष पुगेको छ।

प्रतियोगितामा खागावा, यामानासी र नागानो प्रिफेक्चर सहित देशभरबाट ४६ वटा विशाल फर्सीहरु ल्याइएको थियो । सहभागीहरुले आ-आफ्ना  फर्सीहरुको तौलका आधारमा प्रतिस्पर्धा गरेका थिए ।

प्रतियोगिता ल्याइएका फर्सीहरु यति ठूला थिएकी,तिनीहरुलाई फोर्कलिफ्ट प्रयोग गरेर तौल लिने उपकरण राखिएका थिए ।यस पटक ५०५.७ केजी तौल र ४१९ सेन्टिमिट परिधी भएको विशाल फर्सी विजयी भयो । त्यो सबैभन्दा ठूलो फर्सी ह्योगो प्रिफेक्चरको सहरमा उत्पादन गरिएको थियो।

सबैभन्दा ठूलो फर्सी उत्पादन गर्न सफल,हासीमोतो नामका कृषकको यो नवौं पटक प्रदर्शनी  थियो। लगातार ९ वर्षको प्रयासमा उनि र उनको फर्सी विजेता बन्न सफल भएको हो।जापानमा विजेता बनेका हाशिमोतोले अर्को महिना संयुक्त राज्य अमेरिकाको पश्चिमीतटमा हुने विश्व च्याम्पियनसिपमा प्रतिस्पर्धा गर्नेछन्।