टोकियो/जापान। “अबको एनआरएनए, साझा एनआरएनए”भन्ने उदघोष सहित गैरआवासीय नेपाली संघ (एनआरएनए) एसिया प्यासिफिक उप-संयोजक पदमा जापानबाट एनआरएनए अभियन्ता तथा व्यवसायी श्रवण सत्यालले उम्मेद्वारी दिने घोषणा गरेका छन्।

स्थापनाकालदेखि गैरआवासीय नेपाली संघका विविध गतिविधिहरुमा सक्रिय रहँदै आएका सत्याल एनआरएनए आईसिसिका सन २०२१-२३ का  सदस्य हुन्। यसका अलवा जापानमा रहेका थुप्रै संघसंस्थाहरुमा विभिन्न समयमा विभिन्न जिम्मेवारीहरुमा रहि सामाजिक कार्यमा सक्रिय रहँदै आएका सत्यालले अब एनआरएनएलाई साझा एनआरएनए बनाउने प्रतिवद्धता सहित सन २०२३-२०२५ कार्यकालका लागि एसिया प्यासिफिक उप-संयोजक पदमा उम्मेदवारी दिने बताएका हुन्।

जापानलाई कर्मथलो बनाउँदै आएका सत्याल जापानमा अध्ययन, रोजगार पश्चात हाल व्यवसायीकारुपमा क्रियाशिल छन् ।अनेसास देखि नेपाल पत्रकार महासंघ जापान शाखाको विभिन्न पद र जिम्मेवारी सम्हालेका उनि प्राय सँधैजसो सामाजिक गतिविधिहरुमा सक्रिय रहँदै आएका छन् ।

आफ्ना बिचारहरु प्रस्ट राख्ने सत्यालले,सामाजिक संजालहरुमा हल्लाखल्ला नगरिकन पनि थुप्रै अप्ठ्यारामा परेका जापानबासी नेपालीहरुलाई सहयोग गर्ने गरेका छन् ।