टोकियो/जापान।  नेपाली दूतावासद्वारा प्रदान गरिने सेवालाई जापानमा रहेका नेपाली माझ छिटो छारितो, सहज सरल र पहुँच योग्य बनाउन निकट भविष्यमैं एनआरएनए जापानसंगको सहकार्यमा घुम्ती सेवा सञ्चालन गरिने जापानस्थित राजदूतावासले जनाएको छ ।

जापानमा नेपालीको सख्या बढीरहेको र सेवालाई जनमुखी र पहुँच योग्य बनाउनका लागि गतवर्षको सिकाई र अनुभवका आधारमायस वर्ष पनि घुम्ती सेवा सञ्चालन सञ्चालन गरिने दूतावासले जनाएको हो।

कहाँ कहाँ घुम्ति सेवा संचालन हुनेछ त ? 

तत्काललाई,संचालन गरिने जानकारी मात्रै गराईएको छ। कहिले ? अनि कुन कुन प्रिफेक्चरको कहाँ कहाँ घुम्ती सेवा संचालन गरिने भन्नेबारे बिस्तृत जानकारी भने सार्वजनिक गरिएको छैन। एनआरएनए जापानका प्रवक्ता खगराज गौतमले जनाए अनुसार,पहिले घुम्ती सेवा सञ्चालन गरेका केहि क्षेत्रमा यस वर्ष पनि निरन्तरता दिदै थप केहि क्षेत्रमा यस वर्ष सेवा विस्तार गरिने दूतावासले जनाएको छ।

एनआरएनए जापानको सहकार्यमा गरिन लागेको उक्त घुम्ती सेवाको मिति तय भै नसके पनि तत्काल नै गरिने तयारीमा दूतावासरहेको बताइएको छ । प्रारम्भिकरुपमा प्राप्त जानकारी अनुसार यस वर्ष होक्काइदोको सापोरो तथा चिबा क्षेत्र थप गरिने भएको छ भने फुकुओका, नागोया रओसाकालाई निरन्तरता दिइने योजना छ।

दूतावासले नेपालीलाई सहयोग र सेवा लिन सहज होस भन्ने उदेश्यले राहदानी वितरणलाई टोकियोमा सप्ताहव्यापी रूपमा गर्ने सोचरहेकोले यसको यसको आवश्यक तयारीमा दूतावास रहेको राजदूत डा दुर्गाबहादुर सुवेदीले बताए ।

शनिबार,राजदूतावासमा आयोजित एनआरएनए जापानका निर्वाचित कार्यसमितिलाई बधाई तथा शुभकामना प्रदान गरिने कार्यक्रमको अवसरमा सो घुम्ती सेवा संचालन तथा विस्तारबारे जानकारी गराईएको हो ।