नागोया/जापान। नेपाली राजदूतावास, जापान तथा गैरआवासीय नेपाली संघ, राष्ट्रिय समन्वय परिषद् जापानको सहकार्य एवं क्षेत्रीय समितिहरुको स्थानीय व्यवस्थापनमा घुम्ती सेवामार्फत् कन्सुलर सेवा प्रदान गर्ने कार्यक्रम अन्तर्गत २०२३ डिसेम्बर २,३,४ र ५ मा जापानको नागोयामा सम्पन्न घुम्ती सेवाबाट राहदानी नविकरण ५६० जना, अन्य कन्सुलर सेवा ४६ जना, दूतावासद्वारा प्रदान गरिने अन्य सेवाको बारेमा जानकारी तथा सोधपुछ २९ जना गरि जम्मा ६६५ जना सेवाग्राहीले सेवा लिएका छन् ।

एनआरएनए जापानका उपाध्यक्ष सुभास लामिछानेका अनुसार एनआरएनए जापान क्षेत्रीय समिति नागोयाको स्थानीय व्यवस्थापनमा सम्पन्न भएको उक्त कार्यक्रम पूर्णत व्यवस्थित, अनुशासित र मर्यादित रुपमा भएको थियो।

यस घुम्ती सेवा सेवा प्रदान लागि संयोजनकारी भूमिकामा नागोया क्षेत्रीय समिति रहेको थियो भने, नेपाली दुतावासका शिविरमा दूतावासका तर्फबाट द्वितीय सचिव जितबहादुर कार्की, तृतीय सचिव ज्ञानहरि ज्ञवाली, फुकुओकाका वाणिज्य दूत दिपक देवकोटा र टेक्निसियन आबेसान लगायतको उपस्थिति रहेको थियो।

सेवा सञ्चालनका क्रममा स्थलगत रुपमा महामहिम राजदूत डा. दुर्गा बहादुर सुवेदी,एनआरएनए जापानका अध्यक्ष नविन निउरे, उपाध्यक्ष कृष्ण गैरे कोषाध्यक्ष दिपक सुनार, सह कोषाध्यक्ष रामबहादुर थापा प्रवक्ता खगराज गौतम तथा एनआरएनएका अन्य अभियन्ताहरु उपस्थित भएका थिए।

घुम्ती सेवा संचालनमा सहजीकरण गरिरहेको एनआरएनए जापानले जनाए अनुसार मिति निश्चित भएका क्षेत्रहरुमा तोकिएको मितिमा र अन्य मिति निश्चित हुन बाँकी रहेका क्षेत्रको समेत यथाशीघ्र मिति तय गरिने समेत जानकारी गराउँने बताएको छ।