टोकियो/जापान। टोकियो तथा ओसाका लगायत जापानभरका विभिन्न स्थानहरुमा दादुराका बिरामीहरु एकपछि अर्को पुष्टि भएका छन्।

विज्ञहरुका अनुसार, विदेशबाट फर्केका वा पर्यटक भएर जापान प्रवेश गरेका व्यक्तिहरु मार्फत यो रोगको संक्रमण फैलिएको विश्वास गरिएको छ। जापानभर संक्रमण बढेपछि जापानबाट विदेश जानेहरुले खोप लगाए/नलगाएको प्रष्ट गरि, एन्टिबडीको अवस्था जाँच गर्नुपर्ने तथा आवश्यक परे खोप लगाउनु पर्ने बारे विचार गर्न आग्रह गरिएको छ ।

दादुरा,दादुरा भाईरसको संक्रमणबाट हुने एक संक्रामक रोग हो । जुन अत्यन्तै संक्रामक हुने गर्दछ। यो रोग
रोगीसंगको सम्पर्कबाट मात्रै होइन हावाबाट पनि सर्न सक्ने मानिन्छ।

गत महिनादेखि विभिन्न ठाउँमा एकपछि अर्को गरी दादुराको संक्रमण भेटिन थालेको जापानको नारा प्रिफेक्चरमा विदेशबाट जापान आएका एक पुरुषमा सङ्क्रमण देखिएको र उक्त व्यक्तिसँग सम्पर्कमा आएका अर्का पुरुषमा सङ्क्रमण देखिएको खुलासा भएको छ ।

यसका साथै, यो महिनाको १ तारिख संयुक्त अरब इमिरेट्सबाट फर्किएका ओसाका प्रिफेक्चरका एक व्यक्तिमा दादुराको संक्रमण भएको पत्ता लागेको थियो।

यदि दादुराको लक्षणहरु देखिएमा,सार्वजनिक यातायात तथा सार्वजनिक स्थलहरुको प्रयोग नगरि,स्वास्थ्य संस्थामा उपचारका लागि जानका लागि आग्रह गरिएको छ।