टोकियो/जापान। स्वास्थ्य, श्रम तथा कल्याण मन्त्रालयले गरेको सर्वेक्षणले जापानमा ‘धूम्रपान दर’ अर्थात् चुरोट पिउने आदत भएका मानिसको प्रतिशत हालसम्मकै सबैभन्दा कम १४.८ प्रतिशत रहेको पाइएको छ । सरकारले कार्यन्वयन गरेको कडा धुम्रपान नियमहरूको कारणले धुम्रपान गर्नेहरुको संख्या घटेको अनुमान गरिएको छ। सर्वेक्षणको तथ्यांक सार्वजनिक गर्दै स्वास्थ्य, श्रम र कल्याण मन्त्रालयले धुम्रपान छोड्न चाहने मानिसहरूको लागि उपचार सहयोग बढाउने पनि बताएको छ।

स्वास्थ्य, श्रम तथा कल्याण मन्त्रालयले सन् २०२२ मा राष्ट्रव्यापी रूपमा २० वर्षभन्दा माथिका करिब ५ हजार पुरुष तथा महिलाको जीवनशैलीबारे सर्वेक्षण गरेको थियो । त्यस मध्ये, धुम्रपानलो लतमा फसेका मानिसहरूको पुरुषहरू संख्या २४.८ प्रतिशत र महिलाहरूको संख्या ६.२% थियो । यो सन २००३ मा सर्वेक्षण सुरु भएदेखिको सबैभन्दा कम हो ।

यसका साथै , धुम्रपान गर्नेहरूमध्ये २१.७% पुरुष र ३६.१% महिलाहरूले धुम्रपान छोड्न चाहने बताएका थिए। स्वास्थ्य, श्रम तथा कल्याण मन्त्रालयले – सार्वजनिक स्थलहरु,रेस्टुरेन्ट तथा होटलहरुमा पनि निश्चित स्थानमा मात्रै धुम्रपान गर्नुपर्ने एवं धुम्रपान गर्न प्रतिबन्ध लगाउने ऐनको परिमार्जन जस्ता कारणले धुम्रपान गर्नेहरुको संख्या घटेको विश्लेषण गरिएको छ।