ओसाका/जापान। नेपालीहरुको  महान पर्व विजया दशमीको अवसरमा ब्लु ब्याइज युनियन द्वारा जापानको ओसाकामा  वासुदेब लामिछानेको अध्यक्षतामा पारिवारिक भेटघाट साथै शुभकामना आदानप्रदान कार्यक्रम सम्पन्न भएको छ।

ओसाका स्थित चुरुमी रियोकुचि पार्कमा नेपाली मन्दिर नजिकै सोहि कार्यक्रमा ८० जना भन्दा बढी नेपाली बुवाआमा, दाजुभाई तथा दिदिबहिनीहरुको उपस्थित रहेको थियो। विदेशीभूमिमा रहेपनि हाम्रो महान चाडपर्वसँगै आफ्नो मौलिकतालाई बचाईराख्नको लागि पनि कार्यक्रम आयोजना गरिएको सचिव  प्रदीपराज खड्काले जानाकारी दिए। उक्त कार्यक्रममा उपस्थित व्यक्तिहरुको लागि ब्लु ब्याइज युनियनद्वारा खाना तथा खाजाको पनि व्यवस्था रहेको थियो भने उपस्थित व्यक्तिहरुले आगामी दिनका पर्वहरुमा यसरी नै पारिवारिक भेटघाट कार्यक्रम राखेमा अझ धेरै नेपालीहरुको उपस्थिति रहने विचार पनि व्यक्त गरेका थिए।

दशैँको दिन पारेर नेपाली मन्दिरमा घुमफिर गर्न गएका नेपालीहरुको पनि उक्त कार्यममा सहभागीता रहेको थियो। ब्लु ब्याइज युनियनले शुभ दिपालवलीको अवसर पारेर ओसाकाको विभिन्न नेपाली रेस्टुरेण्ट तथा पसलहरुमा देउसी भैलो खेल्ने कार्यक्रम रहेको पनि  प्रदीप खड्काले जानाकारी गराए।