टोकियो/जापान। नेवा: अन्तर्राष्ट्रिय फोरम जापानले हरेक वर्ष झैं यस वर्ष पनि टोकियोमा सामुहिक म्हँ: पूजा तथा नेपाल संम्बत ११४५ को शुभकामना आदनप्रदान कार्यक्रम आयोजना गर्नेभएको छ ।

नेपाल एक बहु-भाषिक, बहु-धार्मिक अनि बहु- संस्कृतिले धनी देश हो । त्यस मध्ये पनि विभिन्न संस्कृतिले धनी नेवाः समुदयाको स्वन्ति (तिहार) अथवा म्हँ पुजा एक ठुलो पर्व हो । म्हँ पुजा अर्थात जिउ शुद्ध गर्ने हेतुले आफ्नो लगायत आफ्नो परिवार, आफन्तजनको शरीरको पुजा गरिन्छ । शरीरमा कुनै पनि रोग व्याद नलागोस्, भएको रोग पनि निको होस् भनेर कामना गरिन्छ ।

यस कार्यक्रममा नेवार मात्र नभई अन्य जाती तथा समुदायको व्यक्तिहरूले पनि सहभागिता जनाउन  सकिने बताईएको छ । नेवाः परम्परा , नेवाः कला संस्कृति, नेवाः खानामा ईच्छुक व्यक्तिहरूले आयोजक संस्थालाई सम्पर्क गर्न सक्नुहुनेछ।

म्हँ:पूजामा सहभागी हुन ईच्छुक व्यक्तिहरूले पहिलेनै सम्पर्क गरेर आफ्नो नाम टिपाउनु पर्नेछ। म्हँ पुजाको लागि प्रत्येक व्यक्तिको लागि मण्डप बनाउनु पर्ने भएकोले पनि सहभागी संख्या तय गर्न आवश्यक रहेको संस्थाले जनाएको छ। अग्रिम सम्पर्क गरी नाम नटिपाएको व्यक्तिहरूलाई मण्डप व्यवस्था गर्न कठिनाई हुने भएकोले सहभागी ईच्छुक सबैले नाम टिपाउन हुन आयोजक संस्थाको महा-सचिव शिव तण्डुकारले अनुरोध गरेका छन् ।

सहभागिताको लागि नाम टिपाउन र कार्यक्रम सम्बन्धि अन्य जानकारीको लागि संस्थाको प्रतिनिधिलाई सम्पर्क गर्नसक्नुहुनेछ ।
080-6555-6667/070-1211-1502/080-3259-6002/070-8953-2328