टोकियो/जापान। जापान सरकारले सन २०२७
को वसन्तमा कम्पनीमा भर्ना हुने विद्यार्थीहरूका लागि रोजगारी खोज्ने सम्बन्धमा नियमहरू बनाएको छ। जसमा अघिल्लो वर्षको जुनमा जागिरको अन्तर्वार्ता सुरु हुनेछ। यसले विद्यार्थीहरुलाई रोजगारी प्रस्ताव गरेता पनि आफुलाई मन नपरेको खण्डमा अरु कम्पनी खोज्ने समय हुने अपेक्षा गरिएको छ।

सरकारले, व्यवसायीक समूह केइदानरेन र विश्वविद्यालयका अधिकारीहरूसँगको परामर्शमा, सन २०२७ को वसन्तमा कम्पनीमा सामेल हुने विद्यार्थीहरूको लागि जागिर खोज्ने नियमहरू बनाएको हो।

यस अनुसार, कम्पनी भर्ती तालिका सामान्य रूपमा हुनेछ, कम्पनी सेमिनार सत्रहरू अघिल्लो वर्षको मार्च १ देखि सुरु हुनेछ, जागिरको अन्तर्वार्ता जुन १ गतेबाट सुरु हुनेछ र आधिकारिक जागिर प्रस्ताव मितिहरू अक्टोबर १ देखि सुरु गरिनेछ।

यो नियमले विद्यार्थीहरूलाई जागिर प्रस्ताव गर्ने कम्पनीहरूद्वारा गरिने “उत्पीडन”रोक्नको लागि राम्ररी उपायहरू कार्यन्वयन गर्नुपर्नेछ।

यसबाहेक, “ओयाकाकु”भनिने विधिको सन्दर्भमा, कामको प्रस्ताव गर्नु अघि आमाबाबुलाई पुष्टिको लागि सोध्ने, यो सुनिश्चित गर्नको लागि सावधानी अपनाउनु पर्छ कि जस्ता परामर्श लिन र कामको प्रस्ताव अस्वीकार गर्नबाट विद्यार्थीहरुलाई रोक्न  नहुने नियम बनाइएको छ।

सरकारले, व्यवसायिक संगठनहरू मार्फत, कम्पनीहरूलाई यी नियमहरूको पालना गर्न अनुरोध गर्ने योजना बनाएको छ।