टोकियो-जापान । अङ्रेजी नयाँ वर्ष २०२५ तथा अन्तर्राष्ट्रिय टोपी दिवसको अवसरमा जापानको ओसाकामा  ब्लु ब्वाइज युनियनद्वारा शुभकामना आदानप्रदान तथा चियापान कार्यक्रम र नयाँ सदस्यहरुलाई स्वागत र प्रमाणपत्र वितरण गरि कार्यक्रम सम्पन भएको छ।

अध्यक्ष बासुदेव लामिछानेको अध्यक्षतामा सम्पन्न भएको उक्त कार्यक्रममा संस्थाका उपाध्यक्ष रामकुमार पाण्ड्येको शुभकामना  मन्तव्य रहेको थियो।साथै कार्यक्रममा सदस्य मोहन कुवरले टोपी दिवसको अवसरमा नेपाली टोपीको इतिहास र महत्त्व बारे जानाकारी दिएका  थिए  भने सदस्य राम कृष्ण केसीले नयाँ सदस्यहरुलाई संस्थाको बारेमा प्रकाश पार्दै आगामी दिनमा गर्ने कार्ययोजनाको बारेमा जानकारी गराएको  सचिव प्रदीपराज खड्काले बताए ।

हामी देश विदेश जहा रहे पनि हाम्रा ऐतिहासिक,सामाजिक ,सांस्कृतिक र धार्मिक महत्त्व बोकेका मौलिक चाडपर्व तथा रितिरिवाजहरुलाई बचाई राख्नु र जगेर्ना गर्नु हामी सबैको साझा दायित्त्व पनि हो। पछिल्लो समय परदेशमा पनि बढ्दो रुपमा हुर्कदै गरेका बालबालिकाहरुको संख्यासँगै उनिहरुलाई पनि हाम्रो संस्कृति तथा चाडपर्वहरुप्रति परिचित बनाउनु पनि हामै सबैको जिम्मेवारी हो। यि र यस्तै कुराहरुलाई आगामी दिनमा पनि संस्थाले निरन्तरता दिदैँ अघि बढ्ने पनि सचिव खड्काले जानाकारी दिए।