टोकियो/जापान। टोकियोको मनोरञ्जन क्षेत्र तथा रात्री जीवनको केन्द्र मानिने खाबुकिच्यो क्षेत्रमा विदेशी पर्यटकहरूलाई लक्षित गरी महिलाहरूलाई वेश्यावृत्तिमा बाध्य पारेको आरोपमा सात जना पुरुष पक्राउ परेका छन्

शिन्जुकुको केन्द्रमा खुलेको यो नयाँ प्रकरण जापानभरि पहिलो पटक विदेशी पर्यटकलाई लक्षित गरी सञ्चालन गरिएको ठूलो मात्राको वेश्यावृत्ति कारोबारको पर्दाफास भएको मानिएको छ।

महानगरिय प्रहरी विभागका अनुसार पक्राउ परेकामध्ये ५४ वर्षीय काजुकी सुदोउ नामक व्यक्ति पनि छन्, जो स्पाराकु नामक एक सैलुनका सञ्चालक हुन्। उनलाई गत आइतबार पक्राउ गरिएको हो। प्रहरीका अनुसार उनले गएको वर्ष अक्टोबरदेखि नोभेम्बरसम्म जापानको वेश्यावृत्ति विरोधी कानुनको उल्लङ्घन गरेको आरोप लागेको छ।

प्रहरीले सुदोउको भनाइ उद्धृत गर्दै भनेको छ, “सैलुनले आफूलाई जापानी महिलासँग सस्तो मूल्यमा यौन सेवा प्रदान गर्ने स्थानको रूपमा प्रचार गरेको थियो।” प्रहरीले सम्बन्धित स्थानहरूबाट चिनियाँ, भारतीय, अर्जेन्टिनी मुद्रा लगायत विदेशी मुद्रा बरामद गरेको जनाएको छ।

प्रहरीका अनुसार पक्राउ परेका २० वर्ष उमेर समूहका अर्का कर्मचारीले भने, “सैलुनले ग्राहकहरूलाई उनीहरूको देशकै मुद्रामा भुक्तानी गर्न अनुमति दिएको थियो, साथै उनीहरूलाई साथ दिने गाइडहरूबाट भुक्तानी प्रक्रिया सम्बन्धी निर्देशन पाइन्थ्यो।”