नागोया/जापान। धादिङ समाज जापानको नागोया क्षेत्रीय समितिको तेस्रो अधिवेशन आज शनिबार,नागोयामा सम्पन्न भएको छ। अधिवेशनले नयाँ कार्यसमिति चयन गर्दै सामाजिक एकता र जापानबासी धादिङेलीहरुबीच आपसी समन्वयलाई अझ सशक्त बनाउने अठोट व्यक्त गरेको छ।

प्रमिला तिमल्सिना सिग्देलको अध्यक्षता रहेको अधिवेशन समारोहमा धादिङ समाज जापान केन्द्रीय समितिका अध्यक्ष बिमल श्रेष्ठको प्रमुख आतिथ्यता रहेको थियो। त्यसैगरि विशेष अतिथिहरुमा धादिङ समाज जापान केन्द्रका संरक्षक राजकुमार अधिकारी, एनआरएनए एसिया प्यासिफिक उपसंयोजक दीपक कार्की तथा समाजसेवी तथा तोकाई बाटिका इन्टरनेसनल स्कुलका अध्यक्ष डा. सुदीप अधिकारी लगायतको उपस्थिति रहेको थियो ।

नव-निर्वाचित कार्यसमितिको संयोजकमा सन्तोष भुजेल चयन भएका छन् भने सह-संयोजकहरूमा रमेश कुमार श्रेष्ठ र अमृत कँडेल चयन भएका छन् । त्यसैगरि सचिवमा राजकुमार गुरुङ,सह-सचिवमा सुजना श्रेष्ठ, कोषाध्यक्षमा विशाल खतिवडा। सह-कोषाध्यक्षमा कुशल ठकुरी रहेका छन् ।नवगठित कार्यसमितिको सदस्यहरू:राजु श्रेष्ठ,प्रकाश मगर,राजेन्द्र कार्की,विजय विष्ट,सुमन विष्ट, विज्ञान तामाङ चयन भएका छन् ।

अधिवेशम समारोहमा मन्तव्य राख्ने वक्ताहरूले जापानमा रहेका धादिङवासीहरूबीच सहकार्य, सहयोग र सामाजिक उत्तरदायित्वलाई अझ मजबुत बनाउँदै लैजानुपर्नेमा जोड दिएका थिए। नयाँ कार्यसमितिले आगामी दिनमा विभिन्न सामाजिक, सांस्कृतिक तथा शिक्षा सम्बन्धी कार्यक्रमहरू गर्दै समुदायलाई एकताबद्ध राख्ने प्रतिबद्धता जनाएको  छ। कार्यक्रम केन्द्रीय महासचिव सुशान्त बानियाँले संचालन गरेका थिए।