टोकियो/जापान। जापानमा रहेका म्याग्देलीबीचको सम्बन्धलाई थप प्रगाढ बनाउने उद्देश्यले यही आउँदो जुन ८ तारिक आइतबार बार्बेक्यु (BBQ) तथा भेटघाट कार्यक्रम आयोजना गरिने भएको छ।

कार्यक्रम बिहान ११ बजे देखि सुरु भई बेलुकी ५ बजे सम्म चल्नेछ। सहभागीहरूमाझ आपसी चिनजान, कामको थकान मेट्दै रमाइलो वातावरणमा समय बिताउने लक्ष्यका साथ यो कार्यक्रमको आयोजना गरिन लागेको हो।

कार्यक्रम कानागावाकेन, इशेहारा सिटी, ह्युगा २१८४-१ (〒259-1101, Kanagawa-ken Isehara-shi Hyuga 2184-1) मा हुनेछ।सुविधाका लागि नजिकको स्टेशनबाट बार्बेक्यु स्थलसम्म गाडीको व्यवस्था पनि गरिएको आयोजकले जानकारी गराएको छ।

कार्यक्रममा जापानमा बसोबास गर्ने सम्पूर्ण म्याग्देली दाजुभाइ तथा दिदीबहिनीहरूलाई उपस्थित भई आपसी भाइचारालाई मजबुत बनाइदिन हार्दिक अनुरोध गरिएको छ।