टोकियो/ जापान । “यात्रा क्षेत्रदेखि केन्द्रसम्म – सुदृढ, सशक्त र सबैको साझा एनआरएनए” भन्ने मूल नाराका साथ ओकिनावा क्षेत्रबाट ग्यानेन्द्र भट्टले गैरआवासीय नेपाली संघ (एनआरएनए) जापानको आगामी कार्यकाल (२०२५–२०२७) का लागि क्षेत्रीय सचिव पदमा उम्मेदवारी घोषणा गरेका छन्।

एनआरएन अभियानमा लामो समयदेखि सक्रिय रहेका भट्टले ओकिनावा क्षेत्रलाई आजको अवस्थामा ल्याउन विभिन्न अग्रज अभियन्ताहरू, एनआरएनए जापान नेतृत्व तथा सम्पूर्ण क्षेत्रीय प्रतिनिधिहरूको महत्वपूर्ण योगदान रहेको स्मरण गरेका छन्। उनले ओकिनावाबासी सम्पूर्ण नेपालीहरूको तर्फबाट विगतमा साथ, सहयोग र हौसला प्रदान गर्ने सबैप्रति गहिरो आभार र कृतज्ञता व्यक्त गरेका छन्।

भट्टले उम्मेदवारी घोषणाका क्रममा भनेका छन्,
“सधैंजस्तै यसपटक पनि सबैको साथ, सहयोग र आशीर्वादप्रति पूर्ण विश्वास राख्दै, हामी सबैको साझा प्रयासबाट ‘साझा एनआरएनए’ को अभियान सफल हुनेमा म दृढ छु। त्यसै विश्वासका साथ म क्षेत्रीय सचिव पदमा उम्मेदवारी दिने निर्णयमा पुगेको हुँ।”

ओकिनावाका स्थानीय मुद्दा, क्षेत्रीय सशक्तिकरण र केन्द्रसँगको समन्वयलाई थप प्रभावकारी बनाउने उद्देश्यसहित प्रस्तुत भट्टको उम्मेदवारीले आगामी निर्वाचनमा दक्षिणपश्चिम जापानको सक्रिय भूमिका देखिने संकेत गरेको छ।