टोकियो/जापान। निजी क्रेडिट अनुसन्धान संस्था “तेइकोकु डाटा बैंक” को अध्ययन अनुसार, कच्चा पदार्थको मूल्यवृद्धि लगायतका कारणले आगामी सेप्टेम्बर महिनामा मूल्य बढ्ने खाद्य पदार्थको संख्या १ हजार ४ सय २२ पुग्ने भएको छ। यो संख्या गत वर्षको सोही महिनाको तुलनामा ०.६ प्रतिशत बढी हो।

यस्तै, खाद्य उत्पादन कम्पनीहरूले यस वर्षको नोभेम्बरसम्ममा मूल्यवृद्धि गर्ने भनेर घोषणा गरिसकेको खाद्य वस्तुहरूको संख्या जम्मा गर्दा २ लाखभन्दा बढी पुगेको छ, जुन गत वर्षको एक वर्षभरिको तथ्यांकको १.६ गुणा हो।