टोकियो/जापान। जापानमा बसोवास गर्ने नेपाली समुदायले विभिन्न समयमा ऐक्यवद्धता सभा, सांस्कृतिक कार्यक्रम वा विरोध प्रदर्शन आयोजना गर्ने गरेको पाइन्छ। तर, सार्वजनिक स्थलमा आयोजना हुने यस्ता गतिविधि बिना अनुमति गरिए कानुनी कारबाहीमा पर्नुपर्ने जोखिम हुन्छ। कानुन उल्लङ्घन भएमा जरिवाना वा कैद मात्र होइन, विदेशीको हकमा भिसा खारेज वा देश निकाला जस्ता गम्भीर परिणाम समेत आउन सक्छन्।
सार्वजनिक स्थलमा होहल्ला गर्दा लाग्ने कानुनः
जापानी फौजदारी कानून ( 刑法) अनुसार, सार्वजनिक स्थलमा अत्यधिक होहल्ला, नाराबाजी वा भीड नियन्त्रण बाहिर गएमा सार्वजनिक शान्ति भङ्ग अन्तर्गत कारबाही हुन्छ। यसले आर्थिक जरिवाना मात्र नभई कैद सजाय पनि हुन सक्छ।
त्यसैगरी, सडक वा क्रसिङमा डेमो वा जुलुस गर्दा रोड ट्राफिक एक्ट (道路交通法) लागू हुन्छ। यस अन्तर्गत यातायात अवरुद्ध हुने खालका गतिविधिमा प्रहरीले तुरुन्त हस्तक्षेप गर्ने अधिकार राख्छ।
विदेशीका लागि यस्ता जोखिमहरु पनि छन्
जापानमा विदेशीलाई पनि जापानी नागरिकलाई जस्तै कानुनी कारबाही लाग्छ। तर थप संवेदनशीलता के भने, अध्यागमन नियनत्रण ऐन अन्तर्गत बारम्बार वा गम्भीर उल्लङ्घन भएमा भिसा रद्द वा देश निकाला हुनसक्छ। यस कारण विदेशी समुदायलाई अझ सचेत रहनुपर्ने देखिन्छ।
सभा वा र्याली गर्दा लिनुपर्ने अनुमति
प्रहरी अनुमति: सडक वा पार्क प्रयोग गर्न (道路使用許可)सडक प्रयोग अनुमति लिनुपर्छ।
स्थानीय प्रशासन (वार्ड कार्यलय / सिटी अफिस): सार्वजनिक भवन वा सरकारी स्वामित्वको क्षेत्र प्रयोग गर्न छुट्टै अनुमति आवश्यक हुन्छ।
पार्क वा सार्वजनिक स्थल: पार्क प्रयोग गर्न Tokyo Metropolitan Park Association वा स्थानीय पार्क व्यवस्थापन कार्यालयमार्फत अनुमति लिनुपर्छ । आवेदन गर्दा कार्यक्रमको उद्देश्य, मिति, समय, सहभागी संख्या र मार्गको विवरण दिनुपर्छ।
पालना गर्नुपर्ने प्रमुख सर्तहरू
तोकिएको समयमै कार्यक्रम सुरु र समाप्त गर्नुपर्ने
ध्वनि प्रणालीको आवाज सीमित राख्नुपर्ने
निर्धारित मार्ग वा स्थान बाहिर जान नपाइने
भीड नियन्त्रण, सुरक्षाको समन्वय र सरसफाइको जिम्मेवारी आयोजककै हुने
जापानमा सभा वा र्याली गर्ने अधिकार भए पनि त्यसलाई कानुनी दायराभित्र राखेर मात्र प्रयोग गर्न सकिन्छ। अनुमति विना सार्वजनिक स्थलमा भीड जम्मा गर्नु गैरकानुनी हुने भएकाले नेपाली समुदायले सचेत रहन जरुरी छ।
अनुमति लिएर, कानुन पालना गर्दै, शान्तिपूर्ण तरिकामा आफ्नो आवाज प्रस्तुत गर्दा मात्र नेपाली समुदाय सुरक्षित रहँदै प्रभावकारी ढंगले आफ्नो विचार प्रकट गर्न सक्छ।
प्रतिक्रिया दिनुहोस्
सम्बन्धित समाचार
- जापानको फुकुओकामा एक नेपाली युवतीको निधन,परिवारसंग भिडियो कल गर्दै आँफैले मृत्युको बाटो रोजिन्
- जापानको नागोयामा ललितपूरका ३३ वर्षिया नेपाली युवाको निधन,शनिबार जापानमै अन्त्येष्टि गरिने
- एनआरएनए जापानले गर्यो ऐतिहासिक पहल,नेपाली विद्यार्थीले पाउने भए कामसँगै छात्रवृत्ति
- परिवारकै सहमतिमा गरिएको इन्गेजमेन्ट रद्द भएपछि युवतीले केटाको घरमा पुगेर गरिन् आत्मदह
- जापानमा बुटवलकी मिनाको उपचारको क्रममा निधन,आर्थिक सहयोगका लागि अनुरोध
- जापानमा नेपाल हाउसका लागि प्रस्तावित जग्गा अनुपयुक्त ठहर, सम्झौता रद्द गरी रकम फिर्ता ल्याउन समितिको सिफारिस
- तिहार अनि सम्झनामा आरूखर्क,धॅुवाखोला
- नेपाल हाउसको जग्गासम्बन्धी प्रतिवेदन एनआरएनए जापानलाई हस्तान्तरण, १० दिनभित्र सार्वजनिक गर्न आग्रह
- जापानमा किन जारी गरियो आपतकालिन् आग्रह ? जापानमा एक सातालाई पुग्ने खाना र पानी राख्न आग्रह, यस्तो छ खास कारण
- जापान बुझेको राजदूतको खोजी : जिज्ञानकुमार थापाको योग्यता र विधिको परीक्षा
- रसुवा बाढीपीडितका लागि गल्कोट समाज जापान कान्तो क्षेत्रीय समितिद्वारा ७ लाख रुपैयाँ सहयोग
- एनआरएनए एशिया प्रशान्त क्षेत्रीय समितिद्वारा नुवाकोटमा ज्येष्ठ नागरिकलाई आर्थिक सहयोग वितरण गरिने
- नोभेम्बर ८ मा धादिङ समाजद्वारा आपत्कालीन राहत कोषका लागि देउसी–भैलो कार्यक्रम आयोजना गर्ने
- नेपाली चलचित्र ‘कबड्डी ५’ जापानको टोकियोमा प्रदर्शन हुँदै, अनलाइन टिकट बिक्री सुरु
- अन्तर्राष्ट्रिय धादिङ समाजको अध्यक्षमा बद्री खतिवडा निर्विरोध निर्वाचित, जापानबाट चार जना पदाधिकारी चयन
