टोकियो,जापान। जापानभरका करिब १ हजार सुपरमार्केटहरूमा बिक्री हुने चामलको औसत मूल्य गत आइतबारसम्मको एक सातामा अघिल्लो हप्ताको तुलनामा ६३ येनले घटेर ५ किलोको लागि ४,१४२ येन पुगेको जापानको कृषि मन्त्रालयले जनाएको छ।

मूल्य लगातार चौथो हप्ता घटेको भए पनि यो लगातार छैटौँ हप्ता ४ हजारभन्दा माथि नै रहेको छ।

शुक्रबार सार्वजनिक गरिएका नयाँ मूल्य विवरण अघि, कृषि मन्त्री शिन्जिरो कोइजुमीले पत्रकार सम्मेलनमा भने, “चामलको मूल्य लामो समयसम्म उच्च रहिरहनुले उपभोक्ताहरू चामल उपभोगबाट बिस्तारै टाढा हुन सक्छन् भन्ने चिन्ता छ।”

मन्त्रालयका अनुसार, सरकारी भण्डारणमा रहेको चामल मिसाइएको मिश्रित चामलको बिक्री अनुपात अघिल्लो हप्ताको तुलनामा ४ प्रतिशत बिन्दुले बढेर २९ प्रतिशत पुगेपछि औसत मूल्य घटेको हो। मिश्रित चामलको औसत मूल्य गत हप्तामा १७१ येनले घटेर ३,४१९ येन पुगेको थियो।

यसैबीच, नयाँ भर्खर भित्र्याइएको चामलजस्ता ब्रान्डेड चामलको बिक्री अनुपात ७५ प्रतिशतबाट घटेर ७१ प्रतिशतमा झरेको छ। तर नयाँ भर्खर भित्र्याइएको चामल उच्च मूल्यमा व्यापार भइरहेको कारण ब्रान्ड चामलको औसत मूल्य भने २९ ले बढेर ४,४४० पुगेको छ, जसले लगातार छैटौँ हप्ता वृद्धि देखाएको हो।