टोकियो,जापान। जापानमा बच्चाको नाम राख्दा उच्च सोच र सांस्कृतिक अर्थको विशेष ध्यान दिइन्छ। “तामाहियो” नामक अनलाइन पोर्टल सञ्चालन गर्ने बेनेस्से कम्पनीले सन् २०२५ मा जन्मिएका करिब १ लाख ६६ हजार शिशुहरूको नाम अध्ययन गरी सबैभन्दा लोकप्रिय नामहरूको सूची सार्वजनिक गरेको छ।

केटाहरूका शीर्ष ५ नाम
५. रेन (蓮) – अर्थ: कमल फूल। पछिल्लो दशकदेखि निरन्तर लोकप्रिय यो नाम सभ्य र सशक्त ध्वनियुक्त मानिन्छ।
४. आसाही (朝陽) – अर्थ: बिहानको घाम। आशा र उज्यालोको प्रतीकका रूपमा प्रयोग हुने यो नाम यसपटक चौथो स्थानमा छ।
३. हारुतो (陽翔) – अर्थ: उज्यालो उडान। स्वतन्त्रता र उमंग झल्काउने यो नाम गत वर्षको तुलनामा एक स्थान माथि पुगेको छ।
२. मिनातो (湊) – अर्थ: बन्दरगाह। सामाजिक र सुरक्षात्मक भावना बोकेको यो नाम जापानमा अत्यन्त प्रचलित हुँदैछ।
१. आओ (碧) – अर्थ: नीलो अथवा हरियो-नीलो (आकाशी)। लगातार दोस्रो वर्ष शीर्ष स्थानमा रहेको यो नाम ताजगी, युवापन र आशाको प्रतीकका रूपमा लिइन्छ।

केटीहरूको शीर्ष ५ नाम
५. हिना (陽菜) – अर्थ: उज्यालो र नयाँ अंकुर। सकारात्मक ऊर्जा र क्यूट ध्वनि भएको यो नामले सात स्थानको उछाल पाएको छ।
४. मेई (芽衣) – अर्थ: अंकुर र वस्त्र। सरल र प्यारी ध्वनिको कारण यो नाम लगातार लोकप्रिय छ।
३. रिन (凜) – अर्थ: गम्भीर र स्वच्छ ध्वनि। सौन्दर्य र आत्मविश्वास झल्काउने यो नाम सन् २०२४ मा पहिलो स्थानमा थियो।
२. हिमारी (陽葵) – अर्थ: सूर्यमुखी फूल (होलिहक)। पारम्परिक र आधुनिकता मिसिएको यो नामले जापानी सौन्दर्य झल्काउँछ।
१. सुई (翠) – अर्थ: हरियो-नीलो (जेड रङ्ग)। पहिलो पटक शीर्ष स्थानमा पुगेको यो नाम पछिल्ला वर्षहरूमा तीव्र रूपमा लोकप्रिय हुँदै गएको छ।

विश्लेषकहरूका अनुसार सन् २०२५ मा जापानी अभिभावकहरूले बच्चाका नाममा “फूल र रङ्ग” सम्बन्धी अर्थहरू रोजेका छन् — जसले जीवनमा सौन्दर्य, स्वच्छता र स्वतन्त्रताको प्रतीक झल्काउँछ।