टोकियो,जापान। उत्तरपूर्वी जापानमा आएको शक्तिशाली भूकम्पपछि आगामी हप्ता बैंक अफ जापान (BOJ) ले ब्याजदर बढाउने अनुमानमा केही समयका लागि शंका पैदा हुँदा ‌मंगलबार जापानी मुद्रा अमेरिकी डलरसँग झनै कमजोर बन्दै एक डलरको मूल्य १५६ येनको तल्लो दायरासम्म पुगेको छ।

तर, बजारले अझै पनि बैंक अफ जापानले ब्याजदर बढाउनेछ भन्ने धारणा कायम राखेकाले येनको गिरावट थप तीव्र हुन पाएन। बैंक अफ जापानका गर्भनर काजुओ उएदाको दिनभरिको टिप्पणी सार्वजनिक हुने भएकाले लगानीकर्ताहरूको ध्यान त्यतातिर केन्द्रित छ।

यसैबीच, विश्लेषकहरूका अनुसार अष्ट्रेलियन र क्यानाडियन डलरहरू विरुद्ध पनि येन कमजोर हुन थालेको छ, किनकि ती देशहरूले पनि आगामी वर्ष ब्याजदर बढाउनसक्ने अड्कलबाजी बढिरहेको छ।