टोकियो,जापान। जापानको ओकिनवा सहरमा रहेर जापानी रेडियो तथा टेलिभिजनमा कमेडी कार्यक्रम गर्दै आएका नेपाली हास्य कलाकार राम प्रसाद आचार्यले एक टेलिभिजनको हास्य कार्यक्रमको दोस्रो पटक उपाधी जितेका छन्।

हरेक वर्ष नयाँ वर्षको अवरसमा ओकिनवा टिभि(OTV) बाट प्रत्यक्ष प्रसारण हुने,कमेडियन कम्पिटिसन शो ०-१ गुरान्पुरीमा आचार्यको जोडी विजयी भएको हो।

सुरुवातामा करिब ९० जना प्रतिष्पर्धी कलाकार तथा कलाकार जोडि सहभागिता रहेकोमा त्यसबाट २५ वटा ग्रुप छनौट भएको थियो । प्रतिष्पर्धाको दोस्रो चरणमा पुग्दा सम्ममा ९ कलाकार जोडिहरु प्रतिष्पर्धामा बाँकी रहेका थिए ।अन्तिममा उत्कृष्ट ९ समूह छनौट गरि दर्शक तथा निर्णायकहरुको मतको आधारमा उपधी प्रदान गरिएको थियो।
जापानको ओकिनवा क्षेत्रको सर्वाधिक लोकप्रिय हाँस्यकलाकारको उपाधी जितेका राम प्रसाद आचार्यको जोडिले १० लाख येन नगद पुरस्कार तथा ट्रफी प्राप्त गरेका थिए। उनले पछिल्लो ६ वर्षयता जापानको ओकिनवामा रहेर रेडियो,टेलिभिजन तथा विभिन्न स्टेजहरुमा नियमितरुपमा केमेडी शो गर्दै आएका छन् ।

उनि एक जापानीसंगको जोडिकारुपमा めーばーカリ नामक कमेडी शो मार्फत लोकप्रिय छन् ।राम प्रसाद ११ वर्षअघि विद्यार्थीको रुपमा जापान आएका थिए भने अहिले आफ्नो मूख्य पेशासंगै कलाकारितालाई अघि बढाईरहेका छन् । आचार्यको कर्मलाई यस अघि नै नेपालन्युजपोस्टले समाचारमा प्रस्तुत गरेको थियो।