टोकियो,जापान। गैरआवासीय नेपाली संघ, राष्ट्रिय समन्वय परिषद् जापान अन्तर्गत चिबा क्षेत्रीय समितिले प्रत्येक महिना ज्ञान, अनुभव र समसामयिक विषयवस्तुमा केन्द्रित अनलाइन लाइभ कार्यक्रम सञ्चालन गर्दै आइरहेको छ। सोही शृङ्खलाअन्तर्गत एनआरएनए चिबा वेबीनार प्रोग्राम(NRNA Chiba Webinar Program )को दोस्रो एपिसोड फेब्रुअरी १ तारिख आयोजना गरिने भएको छ।

यस एपिसोडमा यस वर्षकालागि अझै पनि ‘स्युस्योकु’ (जागिर)निश्चित नभएका विद्यार्थीहरूलाई लक्षित गर्दै स्युस्योकु प्रक्रिया र अब गर्नुपर्ने तयारी सम्बन्धी प्रत्यक्ष तथा व्यवहारिक जानकारी प्रदान गरिनेछ। कार्यक्रममा अतिथि वक्ताकारुपमा यस विषयका जानकार डा. भुपालमान श्रेष्ठसंग अन्तरक्रियात्मक कुराकानी गरिने बताइएको छ।

आयोजक संस्थाले जनाए अनुसार उक्त कार्यक्रममा सहभागीहरूले आफ्ना जिज्ञासा र प्रश्नहरू प्रत्यक्ष रूपमा राख्न सक्नेछन् ।

उक्त कार्यक्रम एनआरएनए जापान चिबाको फेसबुक तथा टिकटोक मार्फत प्रसारण गरिनेछ। विद्यार्थी, अभिभावक तथा इच्छुक सबैलाई लाइभ कार्यक्रममा सहभागी भई कार्यक्रमलाई अझ प्रभावकारी बनाउन अनुरोध गरिएको छ।

कार्यक्रम विवरण
• मिति: २०२६/०२/०१ (आइतबार)
• समय: बेलुका ७:०० बजेदेखि
• प्लेटफर्म: Facebook Live, TikTok Live (NRNA Chiba Official Page)