ओकिनवा,जापान। टोकियोस्थित नेपाली राजदूतावास, गैरआवासीय नेपाली संघ (एनआरएनए) जापान तथा गैरआवासीय नेपाली संघ क्षेत्रीय समन्वय समिति ओकिनावाको संयुक्त सहकार्यमा यहि फेब्रुअरी १४ तारिख ओकिनावामा घुम्ती राहदानी सेवा कार्यक्रम सफलतापूर्वक सम्पन्न भएको छ। उक्त सेवामार्फत राहदानी नविकरण लगायत अन्य विविध कन्सुलर सेवासहित जम्मा २६४ जना सेवाग्राहीहरूलाई सेवा प्रदान गरिएको आयोजक पक्षले जनाएको छ।

विदेशमा रहेका नेपाली समुदायलाई लक्षित गर्दै यस्ता घुम्ती सेवाले सेवा प्रवाहलाई सहज बनाउनुका साथै राजदूतावास र समुदायबीचको सम्बन्धलाई थप सुदृढ बनाउने विश्वास लिइएको छ।

कार्यक्रम सफल बनाउन कार्यवहक राजदूत हरिहर कान्त पौडेल, द्वितीय सचिव नारायण ज्ञवाली, मनिष पराजुली, एनआरएनए जापानका उपाध्यक्ष मुक्तिराम खनाल, क्षेत्रीय  संयोजक सुभास गुरुङ लगायत ओकिनावा क्षेत्रीय परिषद्का पदाधिकारी तथा स्वयंसेवकहरु खटिएका थिए।