टोकियो,जापान। गायक चेतन राईको पाँचौं एल्बम रहेको नयाँ गीत ‘कैयौं प्रहर’ सार्वजनिक गरिएको छ ।आधुनिक पपमा आधारित यस एल्बममा रोमान्टिक शैलीका गीतहरू समेटिएका छन। प्रेम, भावना र सम्बन्धका सूक्ष्म आयामहरूलाई गीतमार्फत प्रस्तुत गर्ने प्रयास गरिएको छ ।

‘कैयौं प्रहर’को शब्द तथा संगीत प्रतिक थापाको रहेको छ भने स्वर स्वयं गायक राईको रहेको छ । गीतको संगीत संयोजन सविर कार्कीले गरेका हुन् ।

‘कैयौं प्रहर’ गीतको भिडियोसमेत सार्वजनिक गरिएको छ । भिडियोको निर्देशन प्रवीण पुरीले गरेका हुन। भिडियोमा कलाकार पूर्णबहादुर गन्धर्व र प्रितिका शर्माको अभिनय रहेको छ । जसले गीतको भावनालाई जीवन्त बनाएको छ ।

भिडियोको सम्पादन तथा रंग संयोजन राज धामीले गरेका हुन भने छायांकन सविन तिमल्सिनाले गरेका हुन । प्राविधिक पक्ष मजबुत रहेको भिडियोले दर्शकको ध्यान आकर्षित गर्ने अपेक्षा गरिएको छ ।

गायक राईका अनुसार ‘कैयौं प्रहर’ गीतमा प्रेमका विभिन्न चरण, सम्बन्धमा आउने उतारचढाव तथा भावनात्मक अनुभूतिलाई समेटिएको छ । श्रोता तथा दर्शकमाझ फरक स्वादको सांगीतिक अनुभव दिने विश्वास गायक राइले व्यक्त गरे । हाल सार्वजनिक भएको यो गीत तथा भिडियोले संगीतप्रेमीहरूबाट सकारात्मक प्रतिक्रिया पाइरहेको छ भने एल्बम ‘स्पिड’ पनि क्रमशः चर्चामा आउन थालेको छ ।