ओसाका, जापान। जापानमा बसोबास गर्ने विदेशी समुदायलाई लक्षित गर्दै ‘औरा होम्स’ ले ओसाकाबाट औपचारिक रूपमा आफ्नो रियल एस्टेट (फुदोसान) सेवा सुरु गरेको छ।

कम्पनीका प्रमुख विकास अधिकारीका अनुसार औरा होम्सले विदेशी नागरिकलाई जापानमा कोठा तथा घर भाडामा खोजिदिने, घर तथा जग्गा खरिद–बिक्रीमा सहजीकरण गर्ने, होम लोन सम्बन्धी परामर्श तथा आवश्यक प्रक्रिया पूरा गर्न सहयोग गर्ने सेवा प्रदान गर्नेछ। साथै रेस्टुरेन्ट तथा अन्य व्यवसाय खरिद–बिक्री गर्न चाहनेहरूलाई पनि आवश्यक परामर्श र सहजीकरण उपलब्ध गराइने जनाएको छ।

अधिकारीका अनुसार जापानमा भाषा, कानुनी प्रक्रिया तथा रियल एस्टेट सम्बन्धी जटिलताका कारण विदेशी समुदायले विभिन्न समस्या भोग्ने गरेको अवस्थालाई मध्यनजर गर्दै सहज, सुरक्षित र विश्वासिलो सेवा उपलब्ध गराउने उद्देश्यका साथ औरा होम्सको स्थापना गरिएको हो।

कम्पनीले ग्राहकको आवश्यकता र बजेटअनुसार उपयुक्त आवास तथा व्यावसायिक सम्पत्ति छनोट, आवश्यक कागजी प्रक्रिया, होम लोन परामर्श तथा सम्पूर्ण कारोबार सम्पन्न हुने चरणसम्म व्यावसायिक सहयोग उपलब्ध गराउनेछ।