टोकियो । जापानमा रहनुहुने धेरैले सायद याद गर्नुभएको होला । जाडो मौसममा पार्कतिर पाईने  सल्लाको रुखलाई फेदमा परालको चकटी जस्तो वस्तुले बेरेर राख्ने गरेको पाईन्छ । त्यहि बगैँचामा भएको अन्य रुख बिरुवाहरुलाई भने त्यसो गरिएको हुन्न तर, सल्लालाई मात्र किन त्यसरी बेरिएको होला त ?अनि त्यसो गर्नुलाई जापानी भाषामा के भनिन्छ होला त?
आउनुहोस, यहि सामान्य तर थाह नभएको विषयमा जानकारी लिउँ ।

कोमोमाकि
त्यसरी सल्लाको फेदमा बाध्ने कामलाई जापानी भाषामा कोमोमाकी भनिन्छ । यसलाई नेपालीमा भन्दा पराले पेटी भनेर बुझ्न सकिन्छ। जुन तस्बिरमा स्पष्टरुपमा देख्न सक्नुहुनेछ ।

किन पराले पेटी कोमोमाकि गरिन्छ त ?
जाडो महिनामा,सल्लाको रुखमा यसरी परालको पेटी लगाउँनुको मूख्य उदेश्य चाहीँ किरा, फट्यांग्राहरुको नियन्त्रण गर्नु हो । खास गरी सल्लामा मात्र बस्न रुचाउने तथा सल्लाको पातमा गँुड बनाउने एक प्रकारको झुसिलकिराको असर कम गराउन यो विधिको सुरु गरिएको हो । र त्यो झुसिल किरालाई जापानी भाषामा माचुगारेहा भनिन्छ । यसरी फेदमा परालको पेटी लगाईदिए पछि,त्यहि बाटो हुँदै माथी हाँगा तथा पातमा पुगी असर गर्ने घातक प्रजिविहरु त्यहि परालमै अलमलिन्छन् र त्यसैमा गुँड बनाई जाडोको समयमा आश्रय लिन्छन् । जसले गर्दा सल्लाको पात तथा हाँगाहरु सुरक्षित रहन्छन् ।

कहिलेबाट सुरु भयो त कोमोमाकी ?

जापानी अनलाईनहरुमा खोजी गर्दा,यो विधिको सुरुवात,एदोकाल (सन १६०३ देखि १८६७)को अबधिमा कुनै एक चलाख मालीले गरेको हो । जुन लगभग जापानभरका बगैँचाहरुमा प्रयोगामा आयो ।

यदि कोमोमाकी गरिएन भने कस्तो असर गर्दछ त ?

माचुगारेहा नामक किरा,जाडो महिनामा उच्च सक्रिय रहने गर्दछ । जुन किरा,जमिनबाट बिस्तारै रुखमा चढ्दछ र पातामा पुगी जालो लगाउँछ । त्यहि गुँड लगाउने तथा पातहरु खाने गर्दछन् । यिनीहरुको असरलाई तलको चित्रमा स्पष्टसंग देख्न सकिन्छ । परम्परागत रुपमा कोमोमाकी हरेक वर्ष,अक्टोबरको अन्त्यदेखि नोभेम्बर पहिलो सातासम्ममा गर्ने गरिन्छ भने मार्चमा हटाउने गरिन्छ । यसरी हटाईएका त्यी कोमोमाकीहरुलाई जलाएर नष्ट गरिन्छ ।

के यो विधि,साच्चै उपलब्धी मुलक छ त?
एक अध्यायनका अनुसार विगतमा यो,जुन उदेश्यले सुरु गरिएको मानिएको छ त्यो उदेश्यका लागि त्यति धेरै उपयोगी देखिएको छैन । सन २००५ मा ह्योगो प्रिफेक्चरमा गरिएको एक अनुसन्धानले,यसरी कोमोमाकी गर्दा,घातक किराहरु भन्दा,अन्य किराहरु बढि फस्ने गरेका छन् । जसले
प्राकृतिक पर्यावरण रणमा असर पार्दछ । अध्यायन अनुसार,त्यसवर्ष उक्त पराले पेटीमा,१५७७ किराहरु फसेका थिए भने त्यस मध्ये केबल ६ वटा मात्रै सल्लालाई असर गर्ने माचुगारेहा रहेको थियो । यसरी जम्मा ०.३ प्रतिशत किरा नष्ट गर्दा वर्षेनी सयौँ अन्य उपयोगी किराहरु मरिरहेका छन् ।
थप तस्बिरहरु हेर्नुहोस्