टोकियो । सव २०१९ मा जापानमा १९ हजार ९सय ५९ जनाले  आत्महत्या गरेका छन् । यो अघिल्लो वर्ष भन्दा ४.२ प्रतिशतले घटेकोहो । जापानमा पछिल्ला वर्षहरुमा आत्महत्याका घटनामा झिनो गिरावट आईरहेको छ । 

प्रहरीको तथ्यांक्क अनुसार, सन १९७८ देखि नेश्नल पोलिसी एजेन्सीले रेकर्ड लिन सुरुगरेदेखि कै, आत्महत्याको घटना २० हजारभन्दा कम भएको यो पहिलो रेकर्ड हो । शुक्रबार जारी यो तथ्यांक्क केबल  प्रारम्भिक हो, आगमी मार्चमा पुन परिक्षण गरि अन्तिमतथ्य प्रस्तुत गरिनेछ । हालको यो तथ्याङ्क्क अनुसार, प्रति १ लाख मानिसहरुमा आत्महत्या गर्नेको संख्या १५ दशमल ८ मा झरेकोछ । यो दर सन २०१८ भन्दा ०.७ प्रतिशतले सुधार घटेको हो । जापान सरकारले आत्महत्याका घटनाहरु कम गराउन प्रयासगरिरहेको छ । सरकारी योजना सफल भएमा सन २०२५ सम्ममा यो दर १३ मा झार्नेछ ।

लिंगको आधारमा हेर्दा महिलाहरुको आत्महत्या दरमा उल्लेख्य घटेको छ । सन २०१८ को तुलनामा ५ सय २८ ले घट्दै ६ हजार २२  जना महिलाहरुले आत्महत्या गरेका छन् । तर पुरुषहरुको हकमा भने, केबल ३सय ५३ जना कम भई १३  हजार ९ सय ३७ रहेको छ। यसरी आत्महत्या गर्नेहरुमा सबैभन्दा बढी टोकियोका रहेका छन् भने क्रमश ओसाका, साइतामा, खानागावा तथा तोत्तोरीप्रिफेक्चरहरुमा बसोबास गरेनेहरु रहेका छन् ।

त्यस्तै १ लाख मानिसहरुमा आत्महत्या गर्नेहरुको अनुपातमा चाहीँ यामानासी अगाडी देखिएको छ । जहाँ प्रतिएक लाखमानिसहरुमा २२.३ रहेको छ ।