टोकियो । फेब्रुअरी २३ तारिख, युवा पुस्ताका अत्यन्तै चर्चित र्याप गायक भिटेनले टोकियो तताउने भएका छन् ।

‘दाजुभाई’ नामक युवा समुहको आयोजनामा टोकियोको मुटु सिन्जुकुको वार्प( WARP) मा आयोजना हुने ‘ म्युजिकल नाईट, लाईभ ईन टोकियो भोलुम २’ नामक साँगितिक कार्यक्रममा  भिटेनले आफ्ना दर्शक, स्रोताहरुका लागि गाउने छन् ।  फरक र विशिष्ट र्याप गायनको माध्यमबाट संसारभर छरिएर रहेका नेपाली युवाहरुको मन जित्न सफल भिटेन आफ्ना सांगिततिक कार्यक्रमहरु लिएर विश्वका विभिन्न मुलुकमा पुगिसकेका छन् । जापान पनि उनको यो दोश्रो सांगितिक कार्यक्रम हुनेछ । यस अघि पनि जापानमा आई निक्कै भव्य कार्यक्रम गरिसकेका छन् ।

कार्यक्रममा भिटेनसंगै गायक बिवेक वाईबा लामा,जापानमै रहेका नेपाली गायक ‘काले भाई’उर्फ कुमार गरुङ्( जो भ्वाईस अफ नेपाल सिजन २ को प्रतिस्पर्धीपनि हुन् )तथा नेपाल र नेपालीहरुलाई मायाँ गर्ने लोकप्रिय जापानी गायिका आओई सानो संगै डिजे नबिनलामाको विशेष प्रस्तुतीरहनेछ ।

कार्यक्रम ,सिन्जुकु स्टेसनबाट नजिकै रहेको वार्प सिन्जुकुमा अपराह्न ४:३० बजेबाट राती ८:३० बजेसम्म हुनेछ । कार्यक्रम सकिएपछिपनि ईच्छुकहरुले वार्प क्लवमा निशुल्क रमाउन सक्नेछन् ।२४ तारिख सोमबार पनि बिदाको दिन परेकाले टाढा टाढाका दर्शकहरुको पनि उपस्थिती हुने आयोजकको अनुमान रहेको छ ।  

भिटेनसंगको बेजोड सागिँतिक आनन्द लिनका लागि भने पहिले नै टिकटलिनेहरुले ३५सय येन तथा त्यहि दिन ढोकामा गई टिकट लिँनेहरुले ४ हजार येन तथा भिआईपी टिकट लिनेहरुले १० हजार येनशुल्क तिर्नुपर्ने छ । टिकटका लागि भने यस कार्यक्रमको पोस्टरमा रहेका नम्बरहरुमा सम्पर्क गर्न सकिनेछ ।