टोकियो । सुदुरपश्चिमको बझाङ जिल्ला (छबिस पाथिभारा-१ गाउपालिका)घर भई हाल जापानको टोकियोमा बस्दै गरेका लोकराज धामीको आफु बसेकै होस्टेलमा दु:खद निधन भएको छ ।

टोकियोको ओचुकामा रहेको उक्त होस्टेलमा २४ तारिख सोमबार राती धामीको निधन भएको जापान प्रहरीले जनाएको छ ।निधन हुनुको कारण हृदयघात भएको जापानको सुगामो प्रहरीलाई उध्दृत गर्दै सुदुरपश्चिमेली समाज जापानले जनाएको छ ।

धामी निधन हुनु तीन दिन देखि आफ्ना साथीभाइको सम्पर्कमा नरहेपछि जापान प्रहरीलाई खबर गरेको सुप समाज जापानका सल्लाहकार योगेन्द्र बोहराले बताउनुभयो ।

निधन भएका धामी सन २०१७ मा विधार्थी भिषामा जापान प्रवेश गरेका थिए ।धामीका नेपालमा श्रीमती ,एक छोरा र एक छोरी छन ।

त्यसैगरी धामीको अन्तिम दाहसंस्कारका लागि सुदुरपश्चिमेली समाज जापानले आर्थिक संकलन अभियान शुरु गर्दै सबै जापानवासी नेपालीलाई सहयोगको अपिल पनि गरेको छ ।समाजले समाजको जापान हुलाक बैंकको १०१०० -९१२८२९२१ खातामा सहयोग रकम जम्मा गर्न सकिने जनाएको छ ।