टोकियो । शनिबार  जापानभर जम्मा २४ जना मानिसहरुमा मात्रै कोरोना संक्रमण पुष्टि भएको छ ।

पछिल्ला केहि दिन यता जापानमा संक्रमण निरन्तर घट्दोक्रममा रहेको छ । शनिबार थपिएको संख्यासंगै जापानभर हालसम्म संकजहुनेहरुको संख्या १७ हजार २ सय ८१ जना पुगेका छन् । संक्रमित मध्ये १३ हजार ८ सय ८० जनाले स्वास्थ्य लाभ गरि घर फर्किएका छन् भने  ८ सय ३८ जनाको निधन भएको छ । यसरी डाटाहरुलाई विश्लेषण गर्दा अब उपचाररत विरामीहरुको  संख्या केवल २५ सय जना जति रहेको छन् । गत अप्रिल मध्येतिर दैनिक ६ सय जनाको हाराहारीमा संक्रमित देखिएको जापान अहिलेको यो न्युन संक्रमणको स्थितिमा आईपुग्नु जापानवासीहरुको त खुसी कुरा हो नै, संगै अन्य मुलुकको लागि पनि उदाहरण बन्न पुगेको छ ।

एक चरणको संक्रमण नियन्त्रण गर्न सफल जापान सरकार अव अर्थतन्त्रलाई चलायमान बनाउने  लागिपर्नेछ । त्यसैले टोकियो लगायत ४ वटा प्रान्तहरुमा बाँकी रहेको आपतकाल पनि सोमबार बाट हटाउने तयारी भईरहेको जापानी समाचार माध्यमहरुले जनाएका छन् ।

शनिबार,होक्काईदोमा ८ जना, टोकियोमा २ जना, खानागावाकेनमा ५ जना, साईतामा केनमा १ जना,ईसिखावाकेनमा १ जना,आईचिकेनमा १ जना,सिगाकेनमा १ जना  र एहिमेकेनमा १ जना संक्रमित देखिएका हुन् । बाँकी ३९ वटा प्रान्तहरुमा भने संक्रमण शुन्य रहेको छ ।

शनिबार टोकियोमा २ जनामा मात्रै कोरोना संक्रमण पुष्टि, सोमबार आपतकाल हट्ने सम्भावना( अपडेट)

जापान पुरानै दैनिकीमा फर्किँदै, शुक्रवार जापानभर २३ जनामा मात्रै कोरोना संक्रमण