टोकियो । जापानको कन्भिनियन्स स्टोरहरुमा अव विदेशीहरुले पनि रोजगारी भिसामा रही पूर्णकालिन काम गर्न पाउने सम्भावना बढेको छ ।
जापानको लिबरल डेमोक्रेटिक पार्टी(एलडीपी)ले कन्भिनियन्स स्टोरमा फूल टाइम काम गर्न दिने प्रस्ताव अघि सारेको छ । सो पार्टीले बुधवार नयाँ भिसा प्रणाली अन्तर्गत सरकारले विदेशीहरुलाई कन्भिनियन्स स्टोरमा फूल टाइम काम गर्न दिन सक्ने प्रस्ताव ल्याएको छ ।

हालसम्म ,कन्भेनियन्स स्टोरहरुले जापानमा अध्यायन गरिरहेका विदेशी विद्यार्थीहरु, डिपेन्डेन्ट भिसा बहाक तथा शरणार्थी आवेदक लगायतलाई पार्ट टाईम कामको लागि मात्रै राख्न सक्ने कानुनी प्रावधान छ । अपवादमा अरुनै काम तथा क्षमताको प्रमाण पेश गरी, कन्भिनियन्स स्टोरमा काम गर्ने तथा गराउनेहरु भने अहिले पनि रहेका छन् । यद्यपी त्यो वैधानिक भने हईन ।

हाल अघि सारिएको प्रस्तावले, विशेष नेतृत्व क्षमता सहित काम गर्न सक्ने विदेशीहरुलाई पूर्णकालिन् काम गर्ने अनुमति दिन सक्ने अपेक्षा गरिएको छ ।यो केबल सरकार समक्ष यस किसिमको प्रस्ताव प्रस्तुत उन्मुख भएको मात्रै हो । यसबारे, सत्तारुढ दलले आवश्यकता महसुस गरि छलफल उन्मुख भएको हो, यसबारे कुनै ठोस निर्णय या कार्यविधिहरु बनेको अवस्था होईन । यस्ता धेरै विषयहरु प्रस्ताव उन्मुख भएर पनि त्यतिकै थन्किने गर्दछन् भने कतिपय अवस्थामा निर्णयहरु भईसकेर पनि पुन:रद्द हुनपनि सक्दछन् ।