टोकियो । कोरोना भाईरसको संक्रमण बढ्दै जाँदा विश्वभरका मानिसहरुका लागि मास्क अनिवार्य उत्पादनको रुपमा स्थापित भएको छ ।
जापानमा भने, विभिन्न प्रकारका मास्क उत्पादन सुरुभएको छ । केहि कम्पनीहरुले गर्मी महिना अनुकुल मास्क बजारमा ल्याएका छन् भने केहि कम्पनीहरुले फ्यासनेवल मास्क उत्पादन तथा विक्रि वितरण सुरु गरिसकेका छन् ।

यसैबिच जापानको एउटा स्थापित रोवोर्टिक्स कम्पनी डोनट रोबोटिक्सले स्मार्ट मास्क उत्पादन गरेको छ । जसमा ईन्टरनेट कनेक्शन गर्न सकिनेछ । उक्त स्मार्ट मास्कले म्यासेज संप्रेषण तथा भाषा अनुवादमा सघाउ पुर्याउनेछ । कम्पनीका अनुसार उक्त मास्कले विभिन्न ८ वटा भाषालाई जापानी भाषामा अनुवाद गर्न सक्नेछ । यो मास्कलाई ब्लुतुथको माध्यमबाट स्मार्ट फोन तथा ट्याबलेट्सहरुमा जोड्न सकिन्छ । जसमा जडित एप्लिकेशनको साहयताले मास्क लगाउने व्यक्तिको आवाज लाई लिखित म्यासेजका रुपमा परिवर्तन गराउन,फोन सम्पर्क गराउ तथा आवाजलाई बढाउन समेत मद्दत गर्दछ ।

कम्पनीका प्रमुख कार्यकारी ओनो ताईसुके भन्छन् – ‘हामीले निकै मेहनतका साथ विभिन्न प्रकार/क्षमताका रोबर्टहरु बनायौँ, अहिले त्यहि प्रविधि यो स्मार्ट मास्क बनाउन उपयोग गरिरहेका छौँ । हामी हाम्रो प्राविधिक ज्ञानको उपयोगबाट कोरोना महामारीलाई नियन्त्रण तथा प्रभाव न्युनिकरणमा योगदान गरौँ भनेर लागिरहेका छौँ ।’

डोटन रोबोटिक्सले सुरुवातमा सेप्टेम्बर महिनामा, ५ हजार प्रति उक्त स्मार्ट मास्क जापानी बजारमा पठाउने छ । त्यसपछि चाईना,अमेरिका तथा युरोपियन बजारमा निर्यात गरिने छ ।

करिब ४० डलर मूल्य पर्ने सो स्मार्ट मास्क ठूलो परिमाणमा बिक्री हुने अनुमान गरिएको छ ।

शनिबार टोकियोमा ५७ सहित जापानभर ८८ जनामा कोरोना संक्रमण, टोकियोमा जोखिम बढ्दो

शनिबार टोकियोमा एकै दिन ५७ जनामा कोरोना संक्रमण,संक्रमित संख्या ६ हजार नाघ्यो