टोकियो । जापान अन्य मुलुकको तुलनामा  हरेक सेवा सुविधा उत्कृष्ट रहेको मुलुक हो । धेरै जसो विदेशीहरुलाई यहाँका सबैजसो सेवा तथा सुविधाहरु गुणस्तरीय हुन्छ भन्ने, लाग्दछ । तर यथार्थमा त्यो पूर्ण सत्य होईन यहाँ पनि,थुप्रै कमि कमजोरीहरु छन् र हुने गर्दछन् । कारण यहाँ पनि हामी जस्तै मानिसहरुले सेवा दिने हुन् र मानवीय त्रुटीहरु शुन्य हुनै सक्दैन ।

अघिल्लो वर्ष जापानका विभिन्न प्रिसिकुल तथा चाईल्ड केयर सेन्टरहरुमा हालसम्मकै उच्च १ हजार ७ सय ४४ वटा दुर्घटनाहरु भए । जुन दुर्घटनाहरुमा परि केहि बालबालिकाको ज्यानै गयो भने केहिको शारीरिक अंगभंग भए केहि सुस्त मनःस्थितिको सिकार समेत हुन पुगे ।

शुक्रबार संसदीय कार्यलयले दिएको जानकारी अनुसार, अघिल्लो वर्ष,जापानका प्रिस्कुल तथा चाईल्ड केयर ( बालबालिका हेरचाह)सेन्टरहरुमा भएको दुर्घटनामा परि, ६ जना बालबालिकाहरुको ज्यान गयो। यसरी ज्यानै गुम्ने किसिमको घटनाको झण्डै आधा जस्तो चाईल्ड केयर सेन्टरमा मात्रै घटेका हुन् । यसका अलवा नर्सरी स्कुल तथा अस्थाई बालबालिक हेरचाह केन्द्रमा केहि मात्रमा देखिएको छ ।

यस्ता सम्बेदनशील स्थानमा हुने घटनाहरुको कारण भनेको प्रयाप्त कर्मचारी अभाव, उपयुक्त भौतिक व्यवस्थापन हुन नसक्नु । खानपानका बेलाको सरसफाई तथा खाद्य गुणस्तर कम हुनु लगायतका रहने गरेका छन् । जापान सरकारले यस्का प्रतिकुलताबरु न्युनिकरण होस भनि अघिल्लो वर्षको अक्टोबर देखि यस्ता प्रिस्कुल तथा चाईल्ड केयर सेन्टरहरुलाई अनुदानको पनि व्यवस्था गरेको छ ।
यस्ता दुर्घटनाहरुमा कतिपयको सुत्ने शारिक अवस्था निमिलेका कारण पनि निधन हुने गरेको छ । कतिपय चाहीँ लडेर, ठोक्किएर पनि मृत्युको मुखमा पुग्ने गरेका छन् ।

अघिल्लो वर्ष घटेका १,७४४ वटा दुर्घटनामा ६ जनाको निधन तथा १,४०१ जनाको शरिरका विभिन्न अंगहरुमा चोटपटक एवं भाँच्निने/ मर्किने लगायतका असर देखिए भने ११ जना अचेत अवस्थामा पुगेको उल्लेख गरिएको छ ।

जापान नियम कानुनको पूर्णरुपमा पालना गराउने मुलुक हो, त्यसैले त्यस्ता घटना घटेका स्कुलहरुलाई कार्वाही तथा पिजितलाई उचित न्याय त दिने गरिन्छ नै तर पनि, व्यस्थताको चरम शिखरमा रहेका बाउ आमा जो महंगो पैसा तिरी आफ्नो सन्तानलाई अरुको भरमा जिम्मा लगाएर काममा जोत्तिएका हुन्छन् उनिहरुको लागि सन्तानको स्वास्थ्य र ज्यानभन्दा ठूलो क्षतिपूर्ति के नै पो होला र ?

स्मरण रहोस् केहि वर्ष अघि, जापानमा नेपाली समुदायबाट संचालिक एक मात्रै विद्यालयमा पनि एक विद्यार्थी दुर्घटनामा परी घाईते भएका थिए । उनि हालसम्म पनि पूर्ण स्वस्थ बन्न सकेका छैनन् ।

जापानको एक रोबोटिक्स कम्पनी बनायो स्मार्ट मास्क,म्यासेज पठाउने,आवाज ठूलो बनाउने तथा भाषा अनुवाद समेत सहज