टोकियो । मंगलबार ३० तारिख जापानभर १ सय ३८ जनामा कोरोना संक्रमण पुष्टि भएको छ । यो झण्डै पछिल्ला २ महिना यताकै ठूलो परिमाणको संक्रमण हो ।

मंगलबार टोकियोमा ५४ जना, खानागावा केनमा ३१ जना,होक्काईदोमा १३ जना,साईतामा केनमा १० जना,चिबा केनमा ७ जना,ओसाकामा ५ जना,फुकुओका केनमा ४ जना,तोचीगी केनमा ३ जना,क्योटोमा २ जना, गुन्मा,आईची,तथा ह्योगो केनमा १/१ जना संक्रमित देखिएका हुन् । यसका अलवा एयरपोर्टको क्वारेन्टाईनमा ६ जनामा कोरोना पुष्टि भएको हो ।

मंगलबार, थपिएको संख्या संगै जापानमा हालसम्म संक्रमितहरुको संख्या १९ हजार ४ सय ८१ जना पुगेको छ । यस मध्ये ९ सय ८५ जनाको निधन भएको छ ।
जुन महिनाको सुरुवाततिर संक्रमित घटेता पनि अन्तिम सातासम्म आईपुग्दा फेरि देशव्यापीरुपमा बढ्न थालेको छ । मानिसहरुले कोरोनालाई सामान्य ठान्ने तथा सबै प्रकारका व्यवसायहरु साबिक जस्तै खुल्ला गराउनु नै यसको मुख्य कारण हो । पछिल्ला दिनका परिदृश्यहरु देखेर फेरि जुनसुकैबेला टोकियो लगायतका अधिक संक्रमण देखिएको ठाउँहरुमा आपतकालिन् अवस्था घोषणा हुनसक्ने अनुमान गरिएको छ ।

टोकियोमा मंगलबार थप ५४ जनामा कोरोना संक्रमण, लगातार दैनिक ५० जनाभन्दा बढि संक्रमणको पाचौँ दिन (अपडेट)