टोकियो । बिहिबार २ तारिख जापानमा कोरोना संक्रमण ह्वात्तै बढेको छ । बिहिबार राती ११ बजेसम्मको अपडेट अनुसार जापानभर १९६ जनामा कोरोना पुष्टि भएको हो ।

बिहिबार जापानमा टोकियोमा १०७ जना, साईतामा केनमा १९ जना,खानागावा केनमा १३ जना,चिबा केनमा ११ जना, होक्काईदोमा ८ जना,ओसाकामा ८ जना,खागोसिमा केनमा ९ जना,फुकुओका केनमा ४ जना,क्योटोमा ३ जना,गिफु केनमा ३ जना,ईबाराकी केनमा २ जना,तोचिगी केनमा २ जना,ओखायामा केनमा २ जना,ह्योगो केनमा १ जना र तोत्तोरी केनमा १ जना संक्रमित देखिएको हो ।

टोकियोमा जोखिम बढ्दो
बिहिबार २ तारिख, टोकियोमा मे महिनाको २ तारिख यताकै धेरै एकैदिन १०७ जनामा कोरोना संक्रमण पुष्टि भएको छ । यो २ महिनाको विचमा जापानका अन्य प्रान्तहरुमा कोरोना संक्रमण नियन्त्रणमा आएता पनि राजधानी टोकियोमा भने फेरि संक्रमण दोहोरिएको अनुमान गरिएको छ ।
अस्ति,१ तारिख, आपतकाल हटाईएपछिकै धेरै एकैदिन ६७ जना संक्रमित भएको टोकियोमा हिजो फेरि २ महिना अघिको उच्च बिन्दुमा पुगेको छ । यसरी हेर्दा हरेक दिन संक्रमित थपिने क्रममा छन् ।

यसपटकको संक्रमितहरुमा अधिकांस २० देखि ३० वर्ष उमेर समुहका युवाहरु रहेको खुल्न आएको छ । स्रोतका अनुसार संक्रमित मध्ये अधिकांस रात्री व्यवसायहरुको बाहुल्यता रहेका सहरहरुसंग विविध प्रकारले जोडिएका व्यक्तिहरु जस्तै – ग्राहक तथा सेवा प्रदायकहरु रहेका छन् । पछिल्लो २ दिनको डाटा हेर्दा टोकियोको सिन्जुकु तथा ईकेबुकुरो क्षेत्रमा अधिक संक्रमण देखिएको छ ।

हिजो संक्रमित संख्या २ अंकबाट ३ अंकको (१०५) उच्च बिन्दुमा पुगेकाले,साँझ कोरोना भाईरस नियन्त्रण मुख्यालयको बैठक पछि टोकियो महानगरकी गभर्नर कोईके युरिकोले पत्रकार सम्मेलन गरि संक्रमण नियन्त्रणको पछिल्लो अवस्था तथा अवको तयारीको बारेमा जानकारी गराएकी थिईन् ।

टोकियोमा एकैदिन १०७ जनामा कोरोना संक्रमण, सिन्जुकु तथा ईकेबुकुरोमा क्षेत्रमा जोखिम बढ्दो