टोकियो / जापान । एनआरएनए जापानले ओकिनावा क्षेत्रिय समिती विस्तार गरेको छ ।

ओकिनावामा रहेका नेपाली समुदायले एनआरएनए जापान केन्द्रसंग क्षेत्र बिस्तारको माग गरे पछि यस्तो निर्णय गरिएको हो । क्षेत्र विस्तारका लागि प्रितम गर्वुजा पुनको संयोजकत्व १९ सदस्य तदर्थ समिति गठन गरेको छ । तदर्थ समितिमा उपसंयोजक तेजराज ओझा र रितु परियार सचिव देवेन्द्र खड्का, कोषाध्यक्ष चक्र शाही, सहसचिब सुजन न्यौपाने सदस्यहरू प्रकाश जंग तामाङ, बिजेन रोका, दिपक अर्याल, शैलेन्द्र अधिकारी, कुमार श्रेष्ठ, भविष्य कठ्याल, आशिस सुवेदी, छविन्द्र राई, सोफि शेर्पा, मेन्दो लामा, उमेश जंग रायमाझी, मंगल बहादुर सुनार, तोयानाथ धिताल चयन भएका छन् ।

आईतबार एनआरएनए, जापानका अध्यक्ष देबिलाल भन्डारी, उपाध्यक्ष तथा क्षेत्र बिस्तार समिति संयोजक दिपक कार्की, प्रवक्ता सिद्धार्थ श्रेष्ठ, सदस्य एवं क्षेत्र बिस्तार समिति सदस्य रामकृष्ण श्रेष्ठ, मानर्थ सदस्य नारायण प्रसाद कंडेल र एनआरएनए ओकिनावा पूर्वअध्यक्ष  लक्ष्मण ओझासंगै ओकिनावा नेपाली समुदायको बाक्लो उपस्थितीमा तदर्थ समिती घोषणा गरिएको हो ।