टोकियो/जापान । जेआर ईस्ट रेलवे(JR East Railway)कम्पनीले अब सुईका तथा टिकट बिना नै रेल चढ्न सकिने क्युआर (QR) कोड प्रणाली संचालनमा ल्याउने भएको छ ।

मोबाईलको फोनको साहयताले क्युआर कोड(QR Code )स्कान गरि सजिलै ट्रेन स्टेसन भित्र प्रवेश गर्न तथा बाहिर निस्किन सकिनेछ । यो प्रणाली कार्यन्वयनमा आएपछि खासगरी विदेशी पर्यटक तथा नियमित रेलसेवा प्रयोग नगर्ने ग्रामिण भगका मानिसहरु लाभान्वित हुने आशा गरिएको छ । जापानमा टोकियो लगायतका सहरहरुमा स्थायी बसोबास गर्नेहरुलाई खासै समस्या नभएता पनि विदे़शी पर्यटक तथा यस्ता सहरी क्षेत्र भन्दा बाहिरबाट आएको यात्रीहरुलाई सुईका या टिकट अनिवार्य लिनुपर्ने प्रावधानले असुविधा भईरकेको थियो ।

सुईका अथावा टिकटको बिकल्पमा क्युआर कोड(QR Code) प्रणाली निर्माणमा लागेको जेआर ईस्ट रेलसेवाले गत बुधवार सिन्जुकु स्टेसनमा दोश्रो पटक सफल परिक्षण गरेको छ । जुन गेटमा मोबाईल फोनमा डाउनलोड गरिको कोड वा कागजमा प्रिन्ट गरिएको कोड स्कान गरेर भित्र छिर्न तथा बाहिर निस्किन सकिन्छ । यस प्रविधि निर्माण गर्ने कम्पनी देस्सो वेव ईंकका अनुसार यो प्रविधि सुईका या टिकटको तुलनामा १.५ गुणा छिटो हुनेछ । जसले अत्यन्तै भिड हुने ट्रेनस्टेसनहरुमा धेरै राहत दिने अपेक्षा गरिएको छ ।

आगमी साताको मंगलबार देखि टोकियोको अर्को स्टेसन ताकानावामा पनि परिक्षण सुरु गरिने छ । र हाल परिक्षणका लागि राखिएको ति स्कानर सहितका गेटहरु यो सेप्टेम्बर महिनाभरी ति स्थानहरुमा रहनेछन् । त्यसपछि यो परिक्षणमा रहेको गेटहरु एकपटक निकालिने छ र पछि पुन: जडान गर्ने योजना रहेको छ ।