टोकियो/जापान ।जापानको आविस्कार क्युआर कोड(QR Code) ले लेक्ट्रोनिक्सको क्षेत्रमा विश्वव्यापी पारेको प्रभावका लागि अन्तर्राष्ट्रीय सम्मान प्राप्त गरेको छ ।
सन १९९४ मा जापानको देन्सो वेव ईन्कले आविस्कार गरेको QR कोडले विश्वभर जटिल जानकारीहरु सम्प्रेषण गर्न महत्वपूर्ण योगदान पुर्याएको ठहर गर्दै आईईई माईलस्टोन अवार्ड ( IEEE Milestone Award) प्राप्त गरेको आविस्कारक कम्पनीले जनाएको हो । आईईई भनेको अमेरिकामा रहेको ईन्जिनियरिङ् ईन्स्टिच्युट हो, जसले विश्वभरका ईलेक्ट्रोनिक्स उपलब्धिहरुलाई पहिचान गराउने काम गर्दछ ।

QR code( क्यु आर कोड) के हो त ?
यो अंग्रेजी शब्द क्वीक रेस्पोन्स (Qick Response -QR) को संक्षिप्त रुप हो । यो मेसिनले पढ्न सक्ने म्याट्रिक्स बारकोड हो । सरल भाषामा यो मेसिनले मात्र पढ्न मिल्ने सुचना सम्प्रेषणको माध्यम हो । यो पहिलो पटक सन १९९४ मा जापानमा आविष्कार भएको थियो भने हाल विश्वव्यापीरुपमा प्रयोगमा आईसकेको छ । यसले धेरै अघिदेखि प्रचलनमा रहेको बारकोड भन्दा २०० गुणाबढी डेटाहरु संचिती गर्न सक्दछ ।

QR कोड सुरुमा उत्पादन क्षेत्रको डेटाहरुलाई इलेक्ट्रिक्स रुपमा व्यवस्थापन गर्नकालागि उपयोग गर्ने गरि उत्पादन गरिएको थियो भने अहिले यसको प्रयोग व्यापक भई हरेक क्षेत्रमा महत्वपूर्ण योगदान पुगेको छ । जस्तै कुनै वेबसाईट खोल्न या कुनै गिफ्ट कुपनको बिस्तृत जानकारी लिन QR code एक पटक मोवाईलमा रहेको रिडर अनगरे पुग्ने भएको छ ।यसैगरी हिजोआज सम्झिन र लेख्न गाह्रो हुने जटिल भन्दा जटिल डेटाहरुलाई पनि QR कोडको माध्यमबाट सजिलै सम्प्रेषण गर्न सकिने भएको छ ।