टोकियो/जापान । गैरआवासीय नेपाली संघ जापानले, पछिल्ला दिन जापानमा कोभिड-१९ को बढ्दो संक्रमणप्रति सतर्क रहन सम्पूर्ण नेपाली समुदायमा अपिल गरेको छ ।

मौसममा आएको बदलावका कारण विश्वव्यापीरुपमै अहिले संक्रमण बढिरहेको छ भने,विभिन्न चाडबाडहरुको भेटघाट तथा अन्य जमघटका कारण जापानका नेपाली समुदायहरुमा ठूलो परिमाणमा संक्रमित भेटिएका छन् ।
नेपाली समुदायमा बढेको संक्रमणप्रति जापान सरकारले विशेष चासो दिई नेपाली दुतावास, गैरआवासीय नेपाली संघ तथा अन्य जिल्लागत संघसंस्थाहरुमा आफ्नो समुदायलाई सचेत गराउन औपचारिक आग्रह नै गरिरहेको छ । यहि वर्तमान परिवेशमा एनआरएनए जापानले एक औपचारिक पत्र सहित जापानवासी सम्पूर्ण नेपालीहरुमा उच्च सतर्कता अप्नाउँदै सुरक्षित रहन तथा सुरक्षित रहने वातावरण बनाउन अपिल गरेको हो । एनआरएनए जापानले अपिलसंगै केहि समस्या परेमा आफ्ना क्षेत्रगत पदाधिकारीहरुसंग सम्पर्क गर्न वा हटलाईन नम्बर ०८०-९७००-६०११ मा सम्पर्क गर्नपनि आग्रह गरेको छ । यस्तो छ एनआरएनए जारी गरेको अपिल