टोकियो/जापान । जापानले अर्को वर्ष (सन २०२२) मार्च अन्तिमबाट उड्ने कारको परिक्षणका लागि गाईडलाईन बनाउने भएको छ । प्रविधि विकासमा विश्वलाई पछि पार्दै आएको जापानको एक निजी कम्पनीले उड्ने कार बनाएर,कम्पनीको तर्फबाट परिक्षण पनि गरिसकेको छ ।

निजी उत्पादकले बनाएको उड्ने कार,ग्रामिण क्षेत्र तथा मानिसहरुको चाप कम भएको ठाउँहरुमा लक्षित गरि संचालन गर्न सके पर्यटन व्यवसाय पनि फस्टाउने र ओसार/पसारको कार्यमी पनि सहजता हुने अपेक्षा सहित जापान सरकारले सम २०२३ बाट संचालन ल्याउने तयारी सहित परिक्षण उडान तथा व्यवसायिक उडानसम्बन्धी छुट्टै गाईडलाईन बनाउने तयारी गरेको हो ।

ट्रान्सपोर्ट मन्त्री अकबा खाजुयोशिले एक कार्यक्रम पब्लिक-प्राईभेट सहकार्यलाई निरन्तर प्रभावकारी ढंगबाट अगाडी बढाउने बताउँदै, उड्ने कारबारेको गाईडलाईन बनाउने कुरा बताएका हुन् ।

गत वर्षको अगस्टमा, स्काई ड्राईभ ईंक नामक निजी कम्पनीले मानिस बसेर नै उड्ने कारको सफल परिक्षण गरिसकेको छ ।