टोकियो/जापान। यहि मे ३ तारिख, एनआरएनए जापानको सचिवालयको आकस्मिक बैठकले एनआरएनए एनसीसी जापानले कोरोना बाट प्रभावित बाँके जिल्लालाई ५ लाख सहयोग गर्ने निर्णय गरेकोछ। साथै बैठक एनआरएनए आइसीसीले सुदुर पश्चिममा उपलब्ध गराउने ब्लड बैँक बस (Blood Bank Bus )को लागि पनि १ लाख रुपैँया सहयोग गर्ने निर्णय गरेको बताईएको छ ।

बाँके जिल्ला र उक्त जिल्लामा अवस्थित भेरी अञ्चल हस्पिटलमा COVID-19 को संक्रमण बाट संक्रमित बिमारी अत्याधिक रुपमा रही गम्भीर स्थिति रहेकोले सहयोग कहा र कसरी गर्ने भन्ने वारे सम्बधित हस्पिटल र स्थानिय निकाय संग समन्वयको निम्ति महासचिव जनक बिक्रम शाही लाई जिम्मेवारी दिईएको छ । साथै सोही अभियानमा बाँके बर्दिया मैत्री समाजले पनि सहयोग अभियान चलाई रहेकोले उक्त संस्था संग समन्वय गरी  संयुक्त रुपमा सहयोग गर्ने वारेमा प्रवक्ता सिद्धार्थ श्रेष्ठले जिम्मेवारी  दिईएको छ ।

बाँके बर्दिया मैत्री समाज जापानका निवर्तमान अध्यक्ष तथा यस सहयोग अभियानका संयोजक शुसिल मल्लका अनुसार, एनआरएनए जापान र बाँके बर्दिया मैत्री समाज जापानले संयुक्तरुपमा सहयोग हस्तान्तरण गर्ने कुरा तय भईसकेको छ ।