टोकियो/जापान। गैरआवासीय नेपाली संघ राष्ट्रिय समन्वय परिषद जापानको (२०२१-२३ का लागि) प्रमाणित सदस्यहरुहरुको नामावली प्रकाशन गरिएको छ ।

गैरआवासीय नेपाली संघ राष्ट्रिय समन्वय परिषद जापानले सन २०२१-२०२३ कार्यकालका लागि गत फेब्रुवरी २५ देखि अप्रिल ३० सम्म, निश्चित मापदण्ड तोकी सदस्यता आह्वान गरेको थियो । सोही अवधीमा बनेका सदस्यहरुको नामावली हिजो(मे २६ तारिख) प्रकाशन गरीएको हो । एनआरएनए जापान सदस्य प्रमाणीकरण समितिद्वारा जारी विज्ञप्तीका अनुसार यस पटक ९ हजार २ सय ७३ जना आवेदकहरुको सदस्यता प्रमाणीकरण भईसकेको छ भने, ७ सय ७० जनाको सदस्यता आवेदन अझै प्रमाणिकरण हुनै बाकीँ छ । ३४ जनाको आवेदनकहरुको भने, आवेदन बदर गरिएको छ । प्रमाणिकर समितिका सदस्य तथा संस्थाका प्रवक्ता सिद्धार्थ श्रेष्ठका अनुसार एउटै आईडीबाट दोहोरिएर प्राप्त भएका आवेदनहरुलाई बदर गरिएको हो ।

प्रमाणित भएका सदस्यहरुको नामावली

एनआरएनए जापानले, प्रकाशित सदस्यता नामावलीमा कुनै दावी बिरोध रहेमा यही मे २८ तारीक साँझ ११ : ५ ९ बजे ( जापान समय ) सम्म NRNA NCC Japan को इमेल : nrnanccjpn@gmail.com मा लिखितरुपमा दावी गर्न सकिने जानकारी गराएको छ । साथै प्रामाणिकरण हुन बाँकी आवेदनहरुको सवालमा सम्बन्धित व्यक्ति लाई प्रमाणीकरण हुन बाँकी रहेको कारण सहित इमेल पठाइएकोले आफ्नो इमेल चेक गरी सोही बमोजिम आफ्नो आवेदन यही मे ३१ तारीक साँझ ११ : ५ ९ बजे ( जापान समय ) भित्र पठाउनको निम्ति अनुरोध गर्दै, उक्त समय भित्र पूर्ण नभएका आवेदनहरु स्वतः बदर हुने बताईएको छ ।

प्रमाणित भैसकेका सदस्यहरुले आफ्नो इमेल
अथवा फोन नम्बरहरु पुन: चेकगरी केहि गलत भएमा निर्वाचन मिति( जुलाई २७ , २०२१ )को २ साता पहिला नै सच्याई सक्नु पर्नेछ । साथै कतिपय आवेदकहरुले अन्लाईन पेमेन्ट गरेको रसिद राखेका भएपनि एनआरएनए जापानको बैंक खातामा उक्त रकम नआएकोले त्यस्तो आवेदनहरुलाई पनि कारणसहित इमेल गरीएकोले तत्काल प्रतिकृया जनाउनका लागि अनुरोध गरिएको छ ।