टोकियो/जापान । एनआरएनए जापानको विभिन्न चरणमा भएका अनियमितताहरुको छानबिन गर्न गठित उच्चस्तरीय छानबिन समितिले आइसीसी केन्द्रलाई आफ्नो प्रतिबेदन हस्तान्तरण गरेको छ ।

६ महिना लामो छानबिन पछि समितिले एनआरएनए जापान विभिन्न समयमा आर्थिक अनियमितता भएको निष्कर्ष सहितको प्रतिबेदन आज आइसिसि एसिया प्यासिफिकका संयोजक गोबिन्दप्रसाद श्रेष्ठलाई हस्तान्तरण गरेको हो । विभिन्न व्यक्तिको नाममा सस्थाको खाताबाट ठुलो रकम निकालिएको भएपनि कुन प्रयोजनका लागि निकालिएको भन्ने उद्देश्य खुल्न नसकेको प्रतिबेदनमा जनाइएको छ ।

भूकम्पका लागि संकलन गरिएको राहत रकम, विभिन्न समयमा आयोजना गरिएका फेस्टिवल, जापानमा मृत्यु भएका नेपालीहरुको बिमा रकम देखि कार्यालयको भाडा समेतमा समेत आर्थिक पारदर्शिता नदेखिएको छानबिन समितिको निष्कर्ष निकालेको छ ।

कार्यालयमा लेखा सम्बन्धि कर्मचारी राख्नु पर्ने, सस्थाको हिसाब पारदर्शी गराउनाका लागि अडिट गर्ने व्यवस्था मिलाउन पर्ने लगाएतका सुझाबहरु समेत समेटिएको छानबिन समितिका सदस्य डा. बलराम श्रेष्ठले जानकारी दिए ।